نور بعدهي زهوور صغيرة تقدري تسيطري عليها بالمسايس يعني بالنسبة للنعال الله يعزش تقدري تتحايلي فيها وتغاوري بها او انش تخليها تتعلق بشي مقدور عليه
بنت اختي 4 سنوات وماترضى تلبس الا نعلة
بالنسبة للتلفزيون الهيها العبي وياها واجد واذا كنتي وابوها قاعدين اشركوها وياكم في الكلام وشوي شوي بتتعود
يمكن تعذبش يوم او يومين لكن راح تتركه
مشكورة أختي ع الرد
زهور الله يحفظها متغيرة بهالفترة حتى المسايس ماينفع وياها حاولت باكثر من طريقة بس شسوي
يعني ماكانت كذا من قبل التلفزيون تندمج فيه بس ويانا تقعد وين مااروح وراي وتلعب و و الحين مافي
اختي نورمشاكلك مع زهور تحتاج لطبيب احصائي الله يكون بعونك ههههههه
لاعفية ام حسن لاتعوري قلبي تقولي طبيب
المشكلة الاولى يمكن ان تقضي عليها بالالعاب والاكثار من زياره الحدائق العامة
او الذهاب معها لاحد اقاربكم ممكن لديهم اطفال بعمرها لتلعب معهم وتنسى الكارتون
الالعاب اللي عندها تكفي فريق كامل وعلى الحدائق والالعاب نروح معها وتلعب وبعض الاحيان تصر ع اللعبة وبعض الاحيان يضطر العامل يشغل اللعبة مرة ثانية بس عشانها
وحنا نطلع اربعاء وخميس وجمعة
ومن قبل كانت تجلس معاي واسولف معها عن المنتدى وتسأل عن اي صورة تشوفها وحفظت من اسماء الاعضاء اسم ارجوان هههههه طول الوقت دوانة اماه مفكرة الكمبيوتر مافيه الا ارجوان
المشكلة الثانية والثالثة نفس الشيء تقريبا وحلها اعتقد ممكن ان تزوري بعض االاقارب والاصقاء ممن لديهم بنات بعمر زهور لترى مايلبسون وترغب في التغيير واهم نقطة بانك لا تجبريها على شيء خليها بكيفها اولا وبالخصوص اذا كانت زياراتك عائلية وليست رسمية ممكن تخليها على رغبتها الى ان تمل من لبسها لوحدها وتطلب منك ان تغيري لها وغالبا هي بتنسى هذه الامور بعد ان تدخليها الروضة مباشره
مو انا مخليتها على راحتها هالايام بس تعرفي لما تطلع مع ابوها السوبر ماركت مثلا ببيجامة شنو راح يقولو هذي امها مو مهتمة فيها لأن مو مرة ولا مرتين بالبقالة بيجامة في الصيدلية بيجامة ونعال ايراني هههه
مع انه من قبل البيجامة ماتبيها الا بالنوم من تصحى ماما اينو حلاتي وتلبس على كيفها ساعات تركب لها بلوزة على بنطلون او تنورة مايتناسبو بس اقول خلها بالبيت حق تعرف بعدين تختار ملابسها
بس زودتها ماترضى تبدل ابد صرت من اطلع احط لها لبسة في شنطتها عشان لو احد سألني من الصغار زهور ليش مو لابسة اقول لهم ثيابها عندها بعد الغذاء البسها لا تتوسخ وساعات تقبل لما تشوفهم مبدلين انها تلبس وساعات اسبحها واضطر البسها البيجامة اللي كانت عليها من جديد
فرضاء الاطفال عسير واني عندي ابني نفس الشيء لا يريد اللبس الرسمي دائما يحب لبس البجامات ولبس البيت والان هو في الروضة سنة اولى نسى هذه الامور وارتحت شوي حتى الجاكيت لا يريد لبسة مع ان الجو جدا بارد عندما يخرج من البيت ومن كم يوم شاف جميع الاطفال يلبسوا فلبس ..
نور المستوحشين صغرونه وعليها حركات ههههههههههههه مشكلة التلفزيون ولد اختي كان موته توم وجيري والحين ترك الموضوع من نفسه لما فهم بان حركاتهم غلط وهم يضربو لان ولد اختي تعلم منهم وصار يضرب ويعمل حركاتهم ويقول مثل توم او جيري
لا زهور ماتضرب بعدها اليفة هههههه
لكن الافضل تاخدي لها لعبه كبيره تلفت الانتباه مثل مطبخ كبير مع ادواته وعروسه معاها حفاظه يعني بتلهى بتطبخ الى العروس
والعبي معاها واكيد اللعبه بتشدها
عندها كل شي عندها مطبخ كبير وعندها بيت كامل وغير الالعاب اللي بوزعهم في النهاية بس صاير مافي شي يركب على مزاجها وخلني افكر اشيل شغلة ترجعها مكاننها
كان ماتصيبها عقدتي هههههه ماابغى شي يتوسخ ولا يتغير وطول الوقت احوس
العب معاها لو تشوفينا من قبل تقولي مجانين ثنتينهم من كثر اللعب بس الحين كبرنا عفر
قضية النعل يوم الخميس زيارتنا في بيت اهل زوجي بنتي من فوق كشخه وشراب ونعال بيت وصار الكل يضحك
وعندها عباءة راس بعض الاوقات تصر تطلع بها واتركها اذا كنا رايحين الى اهلي او عيالي
بعدنا مانوصل لسالفة العباء والله يستر علينا جاي محرم وتشوفي الجهال عبي ومقانع كان ماتدق فيوزها عليهم
اذا ما رضت تلبس خليه في كيس ولبسيها جوتي وقولي نخلي النعال في الكيس الى بعدين وخلها تمسكه
مافي امسكيه لبعدين اللي مايعجبها ترميه
اما البجامه اولادي ثلاثتهم يفرحو اذا شريت البجامه وما يفرحو الى ملابسهم
واذا بتلبسيها خلي في ايدك قليل ماي وقولي لها تبللت لازم نغيرها وبعدين نلبس بجامه حلوه ونظيفه
لو ابللها تقوم الفزعة الله يعين ان شاء الله فترة وتعدي
اختي نور بقولك شيء وانتي تلبسيها قبل لا تبتدي رددي معاها اسماء العائله مثل خالوه فلانه واذا فيه جهال في العائله دكري اساميهم وقلدي حركاتهم لين تخلصي لبس
وانتي ترددي وقولي لها تردد معاك كانت طريقتي مع ولدي لانه ما كان يحب البامبرز وكنت اغير الموضوع ونتكلم ونردد اسماء الجهال
العرض العادي
