[نسايم]

المشاركة 1010و1011


بقلم \ البدري 14

الف يا نور ومبارك بالافراح
ونسايم عطر من هلت علينه

والعشرة تراهم عدد بيه عنوان
الحسين وتسعه نسله ثبتوا دينه

انا شيعي جمعتنا بكل فخر انصار
لنهج حيدر ونسير بخط عناوينه

عسى كلها فرح ومعايدات تصير
بمولد الزهراء الفرح زاهينه

الف مبروك يالشيعه بتوالي البيض
انولدت فاطمة وقداح طشينه

ورقم احدعش من حيدر نسل
متواصل ومعروف الختاره بارينه

وهذه الابيات لها معنى بقلب الشاعر

نسألكم الدعاء

[الروح]

لمن تشرفو بالمسير لزيارة ابي عبد الله الحسين ع (( دني جدمك خلي ابوس تراب جدمك
دني جدمك
خلني ابوس تراب جدمك
وخلني اصيرن
ذرة بيها وخلني اشمك
الف هنيال الجدم
لان تمشي احسين يمك
والف هنيال اليواسي
الزهرة امك

وخل نسولف للجدم
سيدي ولجلك تعنت
هاية مو رجلين اسمها
تاج للغيرة تسمت
حتى لو طكاك يحصل
لو تورم ما اهتمت
وحكها تمشي ومو غريبة
كون بترابك تحنت

سيدي يا ابو الدموع
حسين يا حزن الغريب
انا احسد جدم تمشي
وتكصد اتزور الحبيب
غربة بيه تهز دليلي
وبيه بفراكك لهيب
الناس تمشيلك تزورك
وانا مبعد بس نحيب
ولجلك ادموعي من اهلها
ادري لدموعي مجيب
وما تخلي ادموع عيني
بحضرة اسمك ما تخيب

والجدم كلش ترف يا سيدي
ما مشة يطلب حضورك
وما تحنة بتربتك
وعيني تبجي تريد نورك
وانا يكفي من ابوسن
تراب جدم المشو ليك
انا ازورك
تحيات
عادل الناجي

[مرتضى شكر]

أسعدالله أيامكم

وبورك جهدكم المبذول

لأدامة الصلاة على محمد وآل محمد

أهديك شذى من عطرالخامس عشرمن شعبان

أشرق أيا نورطاها بالظهورلقد --- عاثت فسادا بنا الأيام تؤذينا

يارافد العدل قد جفت منابعنا --- والما قد غار قسرا في سواقينا

طل يبن طاها فقد طال الفراق متى --- يوم الظهورفذا ينخاك نادينا


مع الأعتذارلأن هذه الأبيات وليدة اللحظه

الشاعر: مرتضى شكر

14/شعبان/1431هـ

النجف الأشرف

[الروح]

اقتباس : المشاركة الأصلية كتبت بواسطة مرتضى شكر [ مشاهدة المشاركة ]

أسعدالله أيامكم وبورك جهدكم المبذول لأدامة الصلاة على محمد وآل محمد أهديك شذى من عطرالخامس عشرمن شعبان أشرق أيا نورطاها بالظهورلقد --- عاثت فسادا بنا الأيام تؤذينا يارافد العدل قد جفت منابعنا --- والما قد غار قسرا في سواقينا طل يبن طاها فقد طال الفراق متى --- يوم الظهورفذا ينخاك نادينا مع الأعتذارلأن هذه الأبيات وليدة اللحظه الشاعر: مرتضى شكر 14/شعبان/1431هـ النجف الأشرف

اللهُمَ صلِ على مُحمدٍ وآلِ مُحمدْ
أهلاً ومرحباً بكم يا أديبنا الفاضل
وأسعد اللهُ أيامَكم برضاه
بوركتِ الأناملُ الولائية على هذهِ المقطوعة الرائعة
لأن كانت وليدةُ لحظةٍ فلابُدَّ أنها وليدةُ لحظةِ الجمالِ والعشقِ لآلِ مُحمد
فسلمت الأيادي الطاهرة ..
لاعُدمتُ وجودَكمُ الكريم
إحترامااتي وودي

[الروح]

السلام عليكم ورحمة الله وبركاته
عندما قرأت قصيدة (خلص عام الدراسه وسدو الباب) للشاعر مهدي الشبيب المسيباوي
عن الشهيده الطفله شهد , لم اتمالك نفسي وكتبت

http://shiaee.com/vb/showthread.php?t=72136

خلص عام الدراسة وسدو الباب
شهد جا باب كلبي من يسده ؟

يضل مفتوح لو مرو الطلاب
وأشوفن رسمج وياهم تعده

أفز بليل وأنه بوضع مرتاب
وأمد أيدي المكانج والمخده

وأسولف للوكت واتعاتب عتاب
وأكله ارجع يوكتي . وشيرده

وشبكت انه جنطتج بيها الكتاب
وكمت انظم شعر واوكف وانشده

جاوين الصبح جن الصبح غاب
ضلام الليل مايرضه يتبده

ومن صار الصبح رحت انه طلاب
واليوصل علي ماضن يرده

أريده يريح كلبي الصار عطاب
ويصبرني الصبر مو وصل حده

ومن طلعت ...

لن بذيال ثوبي يعتني جلاب
مايقبل يفك مني ويهده

وسمعت اوكف يبويه شبيك حباب
ومن درت النظر لن شفت ورده

صاحت بويه بنت بأحلى الثياب
ولنهه بحضن زينب أتغده
ولنهه بحضن زينب اتغده


تقبلو تحياتي

ابو ظاهر البركي

[الروح]

وسيبقى طائرُ الوفاءِ مُحلقاً
حتى يُستكملُ البناء من روائعِ الأدباء

[ثورة الحسين]

كلمات روعه تزٌيل الهم والحزن وتفرح القلب
تحياتي وتقديري
يسلموووووووووووووووووووو