اجه دورج يخويه وانتي احفظيها
يازينب وصيه ولازم احجيها
********
اجه دورج يخويه وبدت معركتج
اريد اخلاف عيني العايله بذمتج
واريد يسجل التاريخ ملحمتج
وقضية كربلا عللكون طشيها
******
يازينب وصيه ولازم احجيها
******
يزينب معركتنه منظمه وادوار
انه حسين اعرفج يبت حامي الجار
ماريدن دمع من عينج شماصار
واذا خافت سكينه انتي امنيها
******
يازينب وصيه ولازم احجيها
******
اذا سألت سكينه عمهه يمته يعود
اومي عللشريعه والعلم والجود
واذا شفتي كلبهه من العطش ممرود
اريد بدمع عينج انت ترويها
******
يازينب وصيه ولازم احجيها
*******
اريد بدمع عينج لاجن بسكته
تره عباس باقي وماخلص وكته
واذا نشدوج وينه كولي انه اخته
ماروحن سبيه اعداي انه اسبيها
******
يازينب وصيه ولازم احجيها
******
يازينب اشوف الخيم حركوها
الحكيلي سكينه لايضربوها
وان ضاعت رقيه ومالكيتوها
اذا صار الظلام بصفي تلكيها
******
يازينب وصيه ولازم احجيها
******
صبحتي انتي كفيله وردت منج دور
اريدج لليتامه حارس وناطور
وكليله اليحبنه ماخلص عاشور
رسالة تضحيه وللشام وديها
*******
اجه دورج يخويه وانتي احفظيها
يازينب وصيه ولازم احجيها
خادم ال البيت
ابو ظاهر البركي
13/11/2012
لطميه (نزله) للامام الحسين عليه السلام
العرض الشجري