[الروح]

ابو ظاهر اخي العزيز سلمت الأيادي

ذبل هرش القلب لاجلك و خاوة
و طمع ما ردت من عندك وخاوة
الفخر مو للذي عاشر و خاوة
الفخر و الطيب لليذكر خوية

[ابو ظاهر البركي !]

شكرا لاختي الفاضله الروح


يمن رسمك بكَلبي طابعاني
ويريت بضرف خوتك طابعاني
حنانك صار بلسم طابعاني
على الزينات ريتك دوم اليه


بقلمي
ابو ظاهر البركي

[ابو محمد]

مساحه كلش حلوه

[روح الكلم]

انادي علة الصخر بجفاك ويرد
هم السان الك يهواي ويرد
تظن بايع حمام البيت ويرد
بعتني ولا تظن سهلة القضية

[ابو محمد]

اقتباس : المشاركة الأصلية كتبت بواسطة روح الكلم [ مشاهدة المشاركة ]

انادي علة الصخر بجفاك ويرد هم السان الك يهواي ويرد تظن بايع حمام البيت ويرد بعتني ولا تظن سهلة القضية

ياريت نعرف معاني الجناسات
لو تكرمت ايها الاخ

[ابو محمد]

جفيت او لا وما ردّك ولنده
علامك لاعرك ويهك ولنده
تخاوي البلهِنِد ساكن ولنده
وانه اخوك اوتضيع العرف بيه

منقول

[ثورة الحسين]

موفق لكل خير
اخوك عبدالله

[صبر الحوراء]

اظل جفون للصاحب واظل عين
واظل بالشده اوكفلك واظل عين
ست اظلوع اكسرلك وظلعين
واسويهن جسر تعبر عليه

[محمد الغزي]

كتابي عاجل وشخصي وسري
أحطن بيه الج كلبي وسري
عشك الناس بالخفيه وسري
وأنه عشكي علنته أعله البريه

[ابو ياسر الكعبي]

عند زيارتي السيدة فاطمة المعصومه
"

الدهـر من مُهجتي کل أمل حـاشـه

وجـدمي عله دروب الضيم حـاشـه

إلـچ مـدَّيت إديـن العـوز حـاشـه

تـردَّيـهـن يـمـعـصومـه خِـلـيَّـه

***

جرح گلبي بـهوا اهـل البـيت يـدَّاي

ورثـته بجـرح أبـوي وجـرح يـدَّاي

يـمـعصـومـه إلـچ مـدَّيـت يـدَّاي

حـاشـه خـالـيــه تـرديـن اديَّــه

***

العـمـر جبناه متعاب راحـه مَـنَّـه

وچـم عابـد ابعابـد راحـه مَـنَّـه

الشبـاچـچ اجيـتچ راحـه مَـنَّـه

آخـذ حـاجتـي گـبـل التـحيَّـه

***