[ابو ياسر الكعبي]

(من معشر حبهم دينٌ وبغضهم ...كفرٌ وقربهمُ منجى ومعتصمُ)

أهل بيت النبـي گـلبـي قـَربهم

ورب الكون من عرشه قربهم

بغضهم كُـفُر بـالبـاري وقُربهم

منجه وحُــبُّــهُم دين وهَـويـــــّه

الكعبي

[ثورة الحسين]

جبل عباس فوك الكاع ***راسي
ويصيح مايوم اطخ للضيم***راسي
وماي الفرات ابطبع ما جان***راسي
لجن لليوم مامر عليه

[ابو ياسر الكعبي]

بـاس الـموت من باسـك يـعباس
وتـموج الارض من تغضب يعباس
عـجيبه شلون عـالشـاطي يعباس
عـمـود ايـطـيّح اجبال الـمـنيّه
الكعبي

[ابو ياسر الكعبي]

أنه شاري المحبّتك والهَجاني
وميهمني الشتمني والهَجاني
بحبّـك دودم أردّد والهَجاني
وعلامات الظـهور إشهود اليّه

الكعبي

[ابو ظاهر البركي !]

بالتعجيل دومي لاهجاني
وبطران اليبغضك لاهي جاني
يبو صالح عدوك لا هجاني
ازيد اصرار بالطلعه البهيه

البركي

[ابو ياسر الكعبي]

یغایب ماتفید اللّیت واللات
الکُفُر واهل الکُفُر للظلم واللات
إجت عُزه ومناة وهُبل واللات
ورد اردود حکم الجاهلیّه

الکعبي

[الروح]

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

منقول

[ابو ياسر الكعبي]

نص جفني بألم غامض ونص حاي

صرت نصین نص میّت ونص حاي

عتابي اویاک مــا أثّــر ونصحاي
اشما امدّهن ترجّعهن ادیّه
ارتجال

[الروح]

بوركت ابو ياسر روعة

ضلوعي بحر سموم الصيف شتن
علــــى ضعون المشن وبليل شتن
يگلبي شمنتظر بالــــــــباب شتان
مشو غبشه وصفو من غير جيه

[ابو ياسر الكعبي]

یروحي امن الهظم ذوبي فصیحاي
بعد میصح دوه العلتچ فصیحاي
احجبه ومابعد ینزل فصیحاي
جنیت امن العتب بس هم واذیّه
ارتجال