رفت جرحي ريافة الهدم الدقاق
وصاحبه بعز الشتاء والدنيا تمطر
وكلت خل ترهم معاي اشلون
ما جان الجرح والجرح ينزف
بس بعد حجي المكابر ودمعتي
لابده بسد الرمش واطرافي ترجف
لابرد يمي والدنيا صيف واني اخذف
وبعد كومه من السوالف عرفت شنهو
السبب هاي الروح تريد بوسه من
العراق القضى ما بين الارهاب وبين
الصرخات النشاز وي التطرف
وروحي ظلت جن فتيله براس شمعه
وهوى عالي وهيه تلكف
وانا اظل اكتب شعر وبلا وزن
عذبت حتى القوافي من التخلف
آآآآآآه يا عراق
العاملي انت تسكن الفؤاد كالعراق
بس واطرافي ترعش
شفتك يالبدري مو حزين
لكن انت حزين
مثل بلبل كعد متأخر
لكه البستان
كله إبلايه تين
مثل صندوك العرس
ينباع خردة عشك
من تمضي السنين
***
يجي يوم إنلم حزن الايام
وإثياب الصبر
وإنرد لهلنا
يجي ذاك اليوم
لجن آني خايف
كبل ذاك اليوم
تاكلني العجارب
***
يجي ذاك اليوم
وإذا ما جاش
إدفنوني على حيلي
وكصتي للنجف متوجه
****
ياطير وصل للبدري
مني سلام وشوك
كله الشِعر يا بو تركي
الصايته ايلوك
ياملح شِعر العرب
يلشَعر راسك شلب
سافر إبجسمك سفر
وروحك تظل ياوفي
مشتوله وي الكصب
***
ياطير من ينذبح يجفل
يغرّد تعب
يسـَكت إغراب النعب
رفة إجناحك سحر
رفة إجناحك شعر
عندك قصايد نوك
عندك فخاتي شجن
عَ النجمه غنن فوك
عَ النسمة ناحن شوك
***
آنه ارد اروح لابو تركي
ماروح انه الغيره
وأحجيله
صارت صدك
وباعوني إبليرة
والليره طلعت شبه
وإشتعلت الحيره
والناس تنطر للبدري
يرجع بريل السعد
محمّل أشعار ورد
ويكحّل الديره
آنه ارد أروح لابوتركي
ماروح أنه الغيره
***
ياطير وصّي ابوتركي
خل يطوي ليل السفر
ويجمع تصاويره
يا طير شنهي العذر
ماتعباه السفر ..
وهوَّ بجحيل العمر
والدنيه فريره
***
ياطير بلكت تمر
توصّل سلام الِشعر
وبوساتنه إبكجه
ياطير انشد لبو تركي
ياساحر الحِسجه
يا طير لا تشتمر
إضلوعي الك عشة
***
( يا طير غني بقهر
غنوة عشك يا طير
هودر هواهم ولك
حدر السنابل كطه)
ياطير خاف إتعَثر
بخيال ذيب السِطه
اليحوف نص الليل
ياطير حّمل نده
من هور اِلغموكه
وإخذ الجفن لو رحت
سويه غلك فوكه
وضم النده والدمع
الحوشيه لتبوكه
***
الشعر عندك وطن
والوطن عندك شعر
الوطن عندك جرح
الشعر كمر الصبح
والشعر كيمر ملح
عالناس خضر ضوه
فتّحت باب الِشعر
خليته يشتم هوه
حسيت بيه مخنوك
خاويته من الزغر
وكل ساعه بيه محروك
الشعر عندك شعر
يجري بسواجي الفجر
وعد غيرك اصبح سوك
***
يابدري هلبت تمر
ويشتعل بينه الحيل
وإنرد ندك اكهوه
ويرجع يشمنه الهيل
مر بينه مره يابدر
وصافح صبحنه اريوك
ياطير بلغ اخونا البدر مني سلام وشوك
مني سلام
وشووووووووك
تحيااتي لاخي البدري
على وزن قصيدة ياريل لمظفر النواب
خليته الك
التعديل الأخير تم بواسطة مرتضى العاملي ; 03-07-2009 الساعة 10:34 PM.
شفت الكتبته وصحت صوت
ومن صيحتي فرت طيور الغفت
فوق الغصن سلهمن
وعيوني متحاربه وي النوم
ما سلهمن
هاي الخلق يمكم يا صاح سلها من
فارق اعزاز مثلي ودليله انشلع
وظل يسعل من القهر
والقلب منه انشلع
عجز انخله منتهي
شالفرق لو انشلع
لو ضل ثمر ما طلع فلاح لو بارى اله
يا لايمي بس بعد ماظل صبر
وانتهي تلوم المفارق هله
دمعه يصب صب نهر
من مرتفع منهله
يا مرتضى مروتك لا تذكر الطير بهله
حيث البعد راس الدليل اشلعه
اشكال طير الكرى براس النخل
واشلعا
يا كوكتي من الوجد
والوجد قلبه اشلعه
وتحياتي لابي محمد العاملي
شفت الكتبته وصحت صوت
ومن صيحتي فرت طيور الغفت
فوق الغصن سلهمن
وعيوني متحاربه وي النوم
ما سلهمن
هاي الخلق يمكم يا صاح سلها من
فارق اعزاز مثلي ودليله انشلع
وظل يسعل من القهر
والقلب منه انشلع
عجز انخله منتهي
شالفرق لو انشلع
لو ضل ثمر ما طلع فلاح لو بارى اله
يا لايمي بس بعد ماظل صبر
وانتهي تلوم المفارق هله
دمعه يصب صب نهر
من مرتفع منهله
يا مرتضى مروتك لا تذكر الطير بهله
حيث البعد راس الدليل اشلعه
اشكال طير الكرى براس النخل
واشلعا
يا كوكتي من الوجد
والوجد قلبه اشلعه
وتحياتي لابي محمد العاملي
انه ردتك نهر
حتى روحي من العمق
تلعب ابكيشه
ولاجنح طير
بشموس وماي
يتبختر ابريشه
ولاعقل مهموم
يتهنى بخزن قات
وحشيشه
منخطف لونك نهار وليل
خايف
هذا آخر صيف
من غربتك تعيشه !
****
تحيااتي لابو تركي الكريم
هاي الجموع اليوم لكربله تعنت
ميهمه قتل وارهاب بدمهه تحنت
تاااااااااااااء
عمو اول مره بحياتي اسويهه هذا اني كتبته
واريد رايك ولو مومسموح التعليق بس سماح هالمره
واعذرني عمو اني شجابني شوداني عالعمالقه بس حبيت اخلي مشاركه ولو اتخربط سره الاحرف اسفه عمو
اللهم صل على محمد وآل محمد
ايمان حسيني
طبعا صار يومين الجهاز عندي عليه لود
وكل ما اكتب رد على بيت الشعر اللي انتي كتبتيه
ما تنجح عمليه الكتابه واني حتى لحيدر طبعا حجيت
الموضوع وعلى بالي من الموقع قالي الموقع ما بيه شئ
وهسه صلحه احد الاولاد
وارجع لموضوع بيت الشعر الدارمي اللي كاتبته
طبعا الامثال تضرب ولا تقاس
الطفل اول ما يحاول يمشي يحبي وبعدين يقوم ويوقع
الى ان يمشي
بس انتي بديتي من المشي
بيت رائع لابعد الحدود اصلا هاي انتي عندج المقدره
وضامتها عنا شدي الحيل واكتبي بس اذا تردين القمة
اكتبي اول شئ عن ابي الفضل العباس وشوفي شلون راح
تكتبين لانه عزيز الزهراء وانا وحق الزهراء كل اللي
اكتبه بفضل مولاتي الزهراء سلام الله عليها وهم بديت
اول بيت اتذكر جان اهزوجه
-----
خوة ابو فاضل وللرعاة جبريل
مثل خوة العتره محكم التنزيل
لو صال الظهر صارت عليهم ليل
جن جعفر عمه ابلد بيها
-----
أسال الله لج التوفيق
العرض المتطور
