[ابو ياسر الكعبي]

ها دسمع نبض گلبي وها جس
ها دنظر كُبُرجرحي وهاجس
يراودني ألف هاجس وهاجس
الهواجس أمْطَرت بس هم عليّه

[الروح]

أطشر روحي بدروبك واهبلك
ومن نبضي اخذ نبضك واهبلك
عليك شما ظلم ليلك واهبلك
اهد كلبي يصيرنلك تجيّة

[ابو ظاهر البركي !]

انت مااضن انت مهنته

وكلبك بيع خلانه مهنته

رغم كل الجره صدك مهنته

لما انجرح بافعاله الرديه

حبيبي ابو ياسر شنو هاي الغيبه

اتمنى ان تكون بالف خير

خادمكم

ابو ظاهر البركي

[ابو ياسر الكعبي]

آلاك إتّـطـشَّر مـن جَـم آلاك
ومن حرفي بصدودك منجّمالاك
جمـالك حِسَـد حِسْـنَك من جمالاك
إبْجبينك غابت انجوم الثُريّه

[ابو ياسر الكعبي]

مَخاليب الغصص بالگلب لاچن

ولياليِّ عله الاحزان لاچَن

ما أَنحَب الکسر الضلع لاچَن

أَنوح إعْليک ياسيد البريّه

***

مَخاليب الغصص روحي مَتَنْها

وشيوخ الجور عن باطل مَتَنها

الزهره إمْنالسياط إسْوَدْ مَتَنها
وِسْوَد الفَـضَه الضلع الزچيَه

[ابو ياسر الكعبي]

حزني ما حِـزِن گلبي يفضَّه


ولانوحي الدهر کلَّه يفضَّه


إلحگيلي وگع محسن يفضَّه


دمَّه ودمعتي يجرن سويَه

***

الدنيَه بالکِدَر والهَم نَعشها


ولالحظه الفرح روحي نَعَشها


الزهره ابليل يتطلَّع نَعَشها


أشْذَنِب فاطم يدفنوها خِفيَّه

[ابو ياسر الكعبي]

إشتضن غيرك يعيني ‘مالي عيني

وحزني إبْثگل حمله مالي عيني
عيني إتْرِف شجاها مالي عيني
إهْجَرت جفني وإجَتْلك هالمسيه

[مصحح المسار]

ياعلي انت العـــــماد إل شيـــــعتك ولهام
يذكرك بالفرح عاشـــــــــــگ إلك والهام
نخلي جدام تربك عل گلب والعين والهام
تعبرنة الصراط ونشرب أمية

[الروح]

الزمن هد حيلي وأكثر داوراني
وانا الماليه صاحب داوراني
ادور عليك دومي داوراني
واضل اشتاك للماحن عليه

[ابو ياسر الكعبي]

تشوبِح عيني ماتنظر سراباي
يمن حزنك بعض حزنك سراباي
جرح روحي فلك يسري سراباي
ومحطات الهموم اتطوف بيّه