بعدك يا وطن يوميه عاشور ما بطَّل نزيفك صار اله اسنين
چنَّك يا وطن للذبح منذور ودمَّك متّصل وي دمّ الحسين
گصه الإرهاب بينه ابظلم وبجور وليل الخوف نام ابطارف العين
غصنها شجرة الزيتون مكسور وحرگو حاصل الزيتون والتين
كل أم ظلَّت اعله الباب ناطور اتخاف من الظلام اعله العزيزين
بجويريد أحس ابمايك ايفور حزن كلَّك حزن ويجمّر الطين
مات الرازقي ابضربة الساطور وغصن الياسمين انكسر نُصِّين
بعبوة ناسفه اتفجَّر الناعور حتى الماي ما يسگي البساتين
شيريد الظلام ويذبح النور ويغتال الفرح من المعرسين
اتشيل من القراءة الدار والدور لئن يردوك بس گاع الشياطين
أرضه بيك لو كل لحظه عاشور وكل يوم العراق ايصير الحسين
يل امورثني حزن الكون شتريد
اضحك من يمر ليل على عيني
بسبب جرحك صرت عن الهنا بعيد
واتنطر تجيني ما تجيني
هنه ابعاد عن ايدي العناكيد
مدري من الحزن كصرن اديني
العرض المتطور
