[ابو ياسر الكعبي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

وحياك الكعبي وللرسول أقول

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

محمد للرسل متمم وخاتم شدعضده بعلي ربه وخاتم بعلي ومحمد الجنه وخاتم من الزهره للشيعه وهديه نسألكم الدعاء

سلّمك الله ابا تكتم
لك دعواتي وودّي

"
العـوالم إلَك ربَّك مَـنْوَجدها


ولولاك الخَـلایق مَـنْوَجدها


إلَك روحي اتَّناثَرمن وجدها


اوتُزُف أَشواگها الجیتَك تحيَّه

[ابوتكتم الخير]

أحسنت ابو ياسروسلمت

للهادي العرش واللوح وعله
للكــون النبــي وجوده وعله
ذكره كل مرض يشفي وعله
والصلاة عليه ترفع كل أذيه
تحياتي

[ابو ياسر الكعبي]

احسنت ابا تكتم

ودادك کـل عضـو منّي تَمَـلَّك
دلیلي ومُهجتي وگلبـي تَمَـلَّك
یطه لاتِضِن روحـي تَمَلَّـك
إلتُرُب جِدمك تصیر اتراب هیَّهِ

[الروح]

لنواميس الوداد اصبحت شرعه
ومنه نرتوي من جاري شرعه
سل سيفك بوجهي وحيل شرعه
حتى الموت منك يحله ليه

[ابو ياسر الكعبي]

الگلب بجفاك فاجد أمّنيته
اشتضن گُربت حياته أمّنيته
أمانه الچف ودادك أمّنيتَه
گصت بيْه الليالي وگصت بيَّه

[الروح]

علي بجفاك مر يومي ولاسار
ويطول الليل بونيني ولاسار
اسراري طفحت وماضل ولاسار
لان حتى الدمع هم خان بيّه

[ابو ياسر الكعبي]

لاني محزن بيومي ولاسار
وموتي واگف اگبالي ولاسار
ماضل بعد باسراري ولاسار
صبر گلبي جفاني وگطع بيّه

[الروح]

يكلبي بحزن ليلك فاتحت من ..!؟
احسن بيك سهمه فات حتمن ..!
مر يمي وسألني فاتحتمن ..!؟
صحت وينه اليشد الجفن ليّه

[ابو ياسر الكعبي]

الدهر بابه ابنوايب فاتحه النه
بسبب كل لحظه ينصب فاتحه النه
بدمع نقره البعضنه فاتحه النه
انتزاور من كبل يوم المنيه

[الروح]

النوايب ابد حلفت ما تحلنه
وثياب الفرح ابدأً ما تحلنه
دكلي شوكت هل قسمه تحلنه
واحل ثوب الحزن بثنين اديّة