[Blossoms]

دماء الشهداء احنا بخير الحمد لله نسأل عنكم

[Blossoms]

ربيعية كربلاء احلى واخف

[Blossoms]

باقي الامهات شلونكم اليوم ؟؟

[Blossoms]

شكرا لكل اللي جاوبوا على موضوعي امس

موضوعنا اليوم هو

اذا مجموعة اطفال يلعبوا مع بعض وتهاوشوا كل واحد يضرب الثاني او واحد من الطرفين ضرب الثاني
1- كيف راح يكون موقفك سواء كان طفلك الطاق او المطقوق ؟
2-وهل انتي من الامهات الا يدققون على كل شي يعني تراقبي من ضرب ومن قال وايش سوا ؟اذا نعم ليش ؟واذا لا ليش؟

امهااات نبغى تفاعل حتى لو مامريتوا بهالموقف الخبرات والردود بتنفعكم يوم من الايام

في الانتظااار

[ام النور]

هلا ام حسن كيف حالك مواضيعك حلوة ...
خلينا نجاوب على المضوع الاول ....
انا بالتنظيف مالي وقت معين ابدا ...يعني متى مانام السيد اقوم وانظف المكان ...
وبما اني نومي مو منتظم فقعدة الصبح تعتمد ..احيانا اجلس مبكر واخلص تنظيف البيت ...
واخلص الغذاء من وقت واذا فيه ملابس تحتاج غسيل ...اغسلهم ...
واحيانا اجلس متاخرة يادوووب 12 الظهر يعني مافي وقت يااما اخلص الغذاء بسرعة
واخلص لي كم حاجة وبعدين بعد رجعة زوجي لما نخلص غذاء ونرتاح يكون السيد مع
ابوه اكمل انا شغلي ....
يعني الصرااحة مالي وقت معين لجلسة النت او شغل البيت متى ماكنت فاضية اجلس على
النت وشغل البيت ماشي مع اني فعلا اتمنى يكون عندي كل شئ في وقت معين بس ساعات
الشغلة تخضع للمزاج بعد هههههههههههههههههه وكل ماشي والحمدلله .....





بالنسبة لموضوع الاطفال واللي يضرب الثاني وهل انا دقيقة في هذا الشئ قولك اي
نعم انا دقيقة في هذا الشئ يعني اذا كان الموضوع اطفال يلعبو ومن ضمن لعبهم ضرب
وكان الضرب متبادل مو مشكلة كل واحد ياخذ حقة لكن انا ماارضى احد يغلط على ولدي
باي شكل من الاشكال وااشجعة على انه ياخذ حقة علشان يكون عندة شخصية ويقدر
يدافع عن نفسة ...اما لو كان ولدي هو اللي ضارب وهذا الصرااحة قلييل يعني لعب بخشونة
اي نعم لكنة مايضرب احد بدون سبب فانا الصرااحة راح اصاب بالاحراج واحاول اوقفة
عن هذا التصرف ...
واذا شفت طفل مشاغب او يغلط وامه ماشاء الله ساكتة ومستانسة لا والله بتضايق ويمكن
ابين هالشئ او حتى مااخلي ولدي يجلس مع هذا الطفل مررة ثانية ...

[نور المستوحشين]

اقتباس : المشاركة الأصلية كتبت بواسطة ام النور [ مشاهدة المشاركة ]

هلا فيكم امهاات .... اشكر كل من هنئني واولهم الاخت نور المستوحشين ...والصرااحة اقسام المنتدى كثيرة ومتنوعة ومواضيعة حلوة ومفيدة وهذا اللي خلاني اتابعهم ....مرررة ثانية اشكركم اخواتي....

العفو أختي أنا ماسويت الاواجبي وبصراحة كان تواجدك بين بعض الاقسام ملحوظ

عكس البداية لما جيتو للمنتدى بس الديوانية

حبيت تكوني مثل الى خواتش وتوزعوا النشاط

لأنه مثل ماقلت كلنا امهات ولنا اهتمامات ثانية غير البيت والاطفال

انا لو بشتغل وبظل طول يومي ورى زهور والوقت اللي ابي اريح فيه اتكلم عن البيت وزهور و و كان انتحر هههههههه ابغى شوي اغير جو عن مواضيع البيت والحوسة وسوالف زهور


ومثلما قلت بطاقة الشكر راح اضيفها واذا حبيتي ترفقيها بتوقيعك بس تخلص ارجوان منها

تحياتي نور...

[نور المستوحشين]

اذا مجموعة اطفال يلعبوا مع بعض وتهاوشوا كل واحد يضرب الثاني او واحد من الطرفين ضرب الثاني
1- كيف راح يكون موقفك سواء كان طفلك الطاق او المطقوق ؟


لو كانت بنتي المضروبة عادي بصراحة مابسوي شي غير اني بحاول اسكتها او اي شي لايلفت انتباه الموجودين ...ولما يكون العكس بنتي اللي ضاربة غيرها لازم اتصرف واعلمها انه هالشي خطأ
صحيح مابضربها قدام الناس ولا بعصب عليها
بس بفهمها انه عيب ولا بكلمها طول ماني قاعدة
وهذا اصعب شي ع الطفل انه امه تحقره وزهور من احقرها تجي تبوس فيني وو تحاول صحيح انا بوقتها ودي اضمها بقوووة بعد بس لا اغاور حق لاتتعلم

وفي النهاية هم اطفال ليش انزل عقلي انا الكبيرة لأطفال اليوم يتزاعلو وبكرة يتراضو



2-وهل انتي من الامهات الا يدققون على كل شي يعني تراقبي من ضرب ومن قال وايش سوا ؟اذا نعم ليش ؟واذا لا ليش؟

انا مادقق بزيادة ولا مسوية بنتي سبيل كل من جاء ضربها يعني في ضرب يفرق عن غيره

ضرب عادي ولعب اطفال يعني لو كانت هي تمشي وتعرقلت بالطاولة او ضربتها الطاولة مثلا بكسرها الجاهل مايتعلم الا لما يقوم ويطيح وينضرب ويضرب و و

تحياتي نور...

[نور المستوحشين]

وهذي بطاقة الشكر للأخت ام النور وصلت وان شاء الله تعجبش ويسعدني اشوفها مرفقة بتوقيعك

والف مبروك

تحياتي نور...

[دماء الشهيد]

وانا ماقلت لكم جدولي
اقعد لجون واسبحها وامشطها وافطرها
وبعدين انبه رغد للروضة ونفس الشي اسبحها وافطرها
وانظف واغس الثياب
وافطر خلود وجود وبعدين انيمهم وانظف
انام من 8الى جيت رغد
اسوي الغداء
على جيت ابوهم الساعة 2ونص يكون الغداء جاهز
اعلم البنيات
واخذ قيلولة وخلالها ريلي ياخذ البنات يمشيهم

اقعد واجهز العشاء
اصلي المغرب اعشيهم وانيمهم
الصراحة ماتجي 7 الا نامو اليهال
وانا وابوهم ع ال9
وبعدين اقعد لانوو خالد يقعد على
ال2او 3
وهكذا
اسفة طولت عليكم

[دماء الشهيد]

اقتباس : المشاركة الأصلية كتبت بواسطة أمـ حـســن [ مشاهدة المشاركة ]

شكرا لكل اللي جاوبوا على موضوعي امس موضوعنا اليوم هو اذا مجموعة اطفال يلعبوا مع بعض وتهاوشوا كل واحد يضرب الثاني او واحد من الطرفين ضرب الثاني 1- كيف راح يكون موقفك سواء كان طفلك الطاق او المطقوق ؟ 2-وهل انتي من الامهات الا يدققون على كل شي يعني تراقبي من ضرب ومن قال وايش سوا ؟اذا نعم ليش ؟واذا لا ليش؟ امهااات نبغى تفاعل حتى لو مامريتوا بهالموقف الخبرات والردود بتنفعكم يوم من الايام في الانتظااار

اهلا اولا تاخرت في الرد على الموضووع السابق
باجاوب
انا صراحة اذا تهاوش احد مع اعيالي اذا كانو اطفال بعمر بعض اكيد باخليهم
لين بتعبوو
بس اذا كان فيطرف اقوى من الثاني وكان ضربه مؤلم او في اماكن خطرة
باتدخل حتى لو كان هذا الطرف ولدي
وفي عيلة زوجي حمياني كل اللي عندهم اولاد واذا تهاوش واحد منهم
مع بنتي بتدخلوو كلهم فاقوم واشيل بنتي او اقووول بمزح بس بنظرة شريرة
اقوووول لا تضربوو بتي
بس ما اراقب كثير لانوو بتعب وخاصة انو نسوان حماي حتى لو اولادهم اعتدوو
بقسوة على احد مايهتمو
لكن في واحد منهم صراحة بالروضة (تمهيدي) يضرب على البطن بقوة
او يحمل سكين فاكيد ساعتها بدقق مووووووووت
حتى لو زعلووو الامهات مني

اسفة طولت عليكم
مو تفكرووني شريرة