[ابو ياسر الكعبي]

الهم بس إعله روحي غيّه راكم
وكم من كم تراكم غي أراكم

الدهر وسفه , علينه غيّراكم

ونهر ودكم على ما يِشِح ميّه ..

[الروح]

يخي تاهت ادروبك ودليكم..!؟
الكلب محد يغير وده ليكُم
شكثر ارسل سلامه أو وده ليكم
وده الروح وانفاسي هدية

[ابو ياسر الكعبي]

گطع گلبي غيابك منته داري

وعليش اسكن براري منته داري

تداري الهجر ودّاً ؟ من تداري

الهجر بالهجر يذبحها الخويه ..!

[الروح]

الكلب يبجي بغيابك وانته سكته
ولا رد الوصلنا وانتَ سكته
المحب ضيع طريقة وانت سكته
أخاف توصله لحد المنيّة

[ابو ظاهر البركي !]

انتقل الى رحمة الله شاعر اهل البيت حسين اسد البياتي
قبل ثلاثة ايام

فقلت :

اجت تبجي قوافي الوجع يحسين
وعلى ظلع القصيده بالم يحسين
شجن فكدك وصاحن حيل ياحسين
تلكه حسين ها يبن الزجيه

[ابو ظاهر البركي !]

من سجن السجن مولاي ودوك
وقسم للشيعه حبهم صرت وادوك
حب مجنون حبهم صار ودوك
يالكاظم وصارو رافضيه

ابو ظاهر البركي

[ابو ياسر الكعبي]

حجاب الدمع عن عيني كشفته
وگع منها بعد ما أن كشفته
إلك جرحي إبوجه شامت كشفته
لأجل عينك گِلتله إتشفّه بيّه

[علي مالك البكري]

جزيل الشكر

[ابو ياسر الكعبي]

علي مالك البكري

وفقك الله وسدد خطاك

[ابو ياسر الكعبي]

كان لي صديق ودود مولع بالشعر كولعهِ بالهجر والترحال !

قبل ان يرحل ترك لي شريطاً كان قد ساجلني بهِ يوماً ما,

سأضع البعض من (أبوذياتهِ تِباعا)

يقول صديقي:

دليلي إمن الحزن ياليل لوله
يوسِّد نبضي والنبضات لوله
دكَلّـي هـم تِحِس دكّـاته لوله
هِفت كَلبي وبعد ماتدري بيّه

"
فأجبتهُ :

نبض كلبك أسمعه يِدِك طبعن
لأن جمرات إله بالروح طبعن
بغيرك ماشِفِت بس بيك طبعن
الحزن والوفه إجتمعتلك سويه

سأكون قريباً من هُنا

فمازال السجال قائماً