السلام عليكم جميعا
اود ان اضي نقطه بعد ما تابعت كل الحيث من اوله الى تاليه
منو في نظركم المتضرر الوحيد في الزواج المتعدد مثنى وثلاث ورباع اكيد مو الزوجه الاولى ولا البقيه المتضرر الاول والاخير الابناء
الزوج الي هو آدم والله ما ارتاح في البيت الاول راح الى الثاني والثالث وهكذا متابع والزوجه والي هي حواء والله اطالع حواء الثانيه شتسوي اهي بعد مثلها الغيره والهواش والي طايح في الشقى الاولاد محد يدري شنو احساسهم ومحد يسألهم رايهم ويشلون راح يتربون تربيه حسينيه بهذا الوضع
ههـ الموضوع كله ان شاء الله سلمي اختي مريم ولا تتعقدين ولا شي اشرطي على الزوج ما ياخذ ثانية :d
مم
حلو نسايم
انا معاك ..في الزواج ما افضل فارق العمر الكبير
خصوصا الي بياخذ ثانية وثالثة
لأن من الاهداف للتعدد الستر على المرأة .. وما شاء الله كثيرات في الثلاثين غير متزوجات وهم اولى بهذا الزواج من الصغيرة التي في مقتبل عمرها
وفيه نقطة الي تكلمتي فيها اختي طيف
الابناء
بعضهم ينجب من الاولى ماشاء الله من العيال بعدها يشوف البيت صار وضع ازعاج وعدم راحة له .. ينتقل للزوجة الثانية .. وهكذا يتهرب ويسبب المشكلة مرة اخرى ويتهرب كذلك ..
في القديم كانوا الجميع في بيت واحد مما يسهل عملية متابعة ومراقبة وتربية الابناء
بعكس الان
كل زوجة تشرط بيت بوحدها
لها الحق بأخذ حريتها
لكن كذلك في مسألة التعدد الزوجة تكون مسؤولة عن بعض المشكال التي تستطيع التنازل عنها
فالزواج تنازلات ومواساة واحترام
اسمع عن زواجات بين الصديقات يعني الصديقة المتزوجة تخطب صديقتها لزوجها
ما دري اذا عندكم قصص مماثلة شنو صار بينهم بعد الزواج
هل استمر التفاهم والمحبة او لا؟
خخخخخ اصبح الموضوع حديث الموسم
وفلاان متشجع حاطه بتوقيعهـ شكلك تبي اتسويها
انا منه عرفت
انا بالعاده لمن احد يتكلم عن هالموضوع اتنررررفز بشكل مو طبيعي
بس انا ضد التعدد بالزوحآآآآت اذا الوحده مو ناقصه شي الحمد لله وكل شي اللي يبيه فيها لا ويسوي المستحيل عشان ياخذها بعدين ياخذ وحده ثانيه
لو جع الراس والمشاكل ولو لو لو لو لو حصل هالشي وزوجي الله يخليه لي بيسويها اول شي يطلقني وانا مستعده اتركه لها عليها بالف عافيه من عافنا عفناهـ لو كان غالي
واشوف بعدين شبيسوي بدوني احــــــم
شكرا لكم اخي خادم الائمه ع الموضوع المنرفز
عليكم السلام مشرفتنا
الرد سيكون مفحم عليكم يا بنات حواء ههههه
اللي متزوج ثنتين الله يهنيهـ وبما انه اكمل دينه كله عقبال ما يخليه دبل
لأن بالزواج من 4 مافيه مجال للرجال يلف ويدور وين ما يلف بيلقى زوجهـ قدامهـ
وحي الله اهل الاحساء الطيبين
فيه بعض العوايل مثل ما اسمع الي ما يتزوج من ثنتين وطالع ( مو رجااااال )
والحساويات طيبات الله يرسل شوي من هالطيبة على قلوب القطيفيات مو له نور
يعني الحساوية .. الأحسائية عفوا حتى يتناسب مع موضوع النقاش ونتكلم بالمنطق والفصحى
ايه الاحسائية تح في بالها دام بتتزوج بيكون فوقها وحدة فمسلمة للأمر الواقع
والي تطلب الطلاق من زوجها هذي تعارض شرع الله
زميلة لأختي احسائية انخطبت والحمد للهـ .. تقول راحت المدينة سبوع
رجعت إلا زوجها خاطب وحدة ثانية
آمنت بالله وبالقضاء والقدر
قصة اخرى من الاحساء الحبيبة .. احدهم يدرس في الطب واحب ان يكمل نصف دينهـ
بعد اشهر شاف اي عنده وقارنها بالموجودات بالمستشفى الي شعرها احمر وعواين خضر ومادري شنو
وقال اكمل النصف الثاني وخذ ثانية
حبيبي خادم يبغى لي امنع النت عن المدام حتى لا . يصير الي يصير
بداية أشكر الأخ خادم على الطرح الجميل
صحيح مثل ماذكرت أحدى العضوات أنه موضوع مكرر لكنه بطرحك جديد ومفيد
والأهم فكاهي !
وثانيا بشكر فلاان ياللي عن طريق توقيعه وصلت للموضوع
طبعا ردي كله شكر لأن رأيي سوف يغيظ بنات حواء
>>> بس والله بقول
أنا من الأحساء الحبيبه
وكثير من رجالنا يتزوج الـــ2 والـــ 3 والـــ 4
لكنها تبقى الجريمة التي لاتغتفر بس وقت الجد ياحرام مجبورة البنت ترجع لبيتها لعيون الأولاد .
المهم ماعلينا عن نفسي :
أأيد الزواج ال 2 و 3 و4
لأني أحب الحرية وأطمح أنوو أكمل الدراسة وأتوضف وبنفس الوقت يكون عندي أسرة .
ومافي إلا هالطريقة عشان يكون عندي وقت لطموحي وممارسة هوايتي وإستقلاليتي
اللحين أنا توني بعمر الورود عمري اللحين 18 وأنا أدرس الثانوية ولسة صبيه
بس ماعليك خادم راسمه عالزوجه الثانيه حتى قبل ما أتزوج .
لي عودة إن شاء الله
تحياتي لك وسلامي
الحمد لله ظهر الحق
يعني حتى بالاحساء الظاهرة عادية عيل ليش يتميلحون الحريم :mad::p
ميرزا الله !!! على قولتهم شمسوي لك فلاان دعاية بكبرها
طيب تقول هل انت مع او ضد التعداد
انت هل مع التعداد ؟!؟! يعني هل يجي اليوم اللي بتكسر خاطر ام فاطمة و تتزوج عليها و اهي كاوية لك ثيابك و مسويه المجبوس لك و الخ!!! طبعا لا
يعني اذا كانت المرة مو مقصرة فما لك عذر يا باباتي تعرس عليها و لا شتقول؟!
ناحية ثانية
بصراحة أكثر في رجاجيل عيونهم زايغة >>> يعني في الشارع تروح يمين و يسار
وحده ما توقف عيونه عن التلفلف مرة و مرتين في وجه الموظفات
فشنو يصير ! يروح ياخذ له وحده ثانية! زين هل هو مقتدر ماديا؟!
بو الشباب وراه ديووون ترس تقول متسلف فلوس اهل الديرة كلها و مع ذلك يبي يعرس !!
فهنا يجي الزواج المؤقت كحل منه توفر قروشك :d و منه تحفظ كرامة زوجتك اللي تسوي لك المجبوس و لا تصير حديث المجالس مثل ما قالو لك اللي قبل يا بو فاطمة >>> و الله توني راد من الدوام و ما تغديت فعشان جذي كل كلامي عن الاكل لووول
طيب يمكن الرجال مقتدر ماديا و يبي يعرس مو من باب انه ما يبي يروح للحرام لانه اللي ما يبي يروح للحرام فهذا كلام ثاني
يبي بس يرتز بالحريم يصير ابو شهاب العايلة
فهل هو رح يرتاح نفسيا؟! و الله كان بيرتاح فهو مثل ما قلت رح يكسب اجر لكن لو جات لك ثنتين صايرة وحده اسرائيل و الثانية نقول فلسطين - لانه للحريم كيد مو الكل البعض و يغلب عليهم ذلك >>> ما نزعل الحريم لووول
فشنو الراحة اللي ياخذها؟!
لكن مع هذا على جانب سيء على مستوى حياة الزوج لكن له إيجابيات كثرة >>> رحت فيها من الحريم اللي في الموضوع
1- ما يروح للحرام
2- مثل ما قال الاخ الفاضل ميرزا محمد انه تقل العنوسة
3- كثرة النسل لكن اللي ما رح يربي الله لا يهينه يخلي المسلمين اقلية العالم ما نبيه يجيب علل على قلب المجتمع
4- يمكن الزوج نفسه يبي عيال و زوجته الغالية على قبله ما تجيب فشنو يسوي م يبي يفرط في الحب الأولي على قولة الميرزا و يجيب وحده تجيب له حسن و حسين و فطوم و علاوي
يعني تصير باك اب >> بديلة
>>> لكن للامانة في حريم ازواجهم ما يجيبون عيال و يبقون عشان انهم يحبونهم و ينحرمون من العيال
وين وصلنا ؟!!؟ خل اشوف اي رقم!؟
اي 5- يمكن البعض يتزوج ارضاء لأمه مثلا و الله يا ولدي تحط وحده على راسها عشان ينكسر باسها شوي او تطلقها >>> سالفة طويلة
فيحتفظ فيها بس يتزوج و الغالب الثانية تكون مظلومة في هالنوع فيكون حافظ على رضا امه طبعا و الضحية الزوجة
6- تكون معاونة مادية عاد هذي الميرزا وده فيها ههههههههههه يتزوج وحده مثل حكيمة و ام فطوم تكون مثل لولوة هههههههههههههههه في هذي يكون كسبت شيئين
ههههههههههه كسبت مصدر مادي و كسبت اجر انك بردت قلبها انك تزوجتها هههههههههههه
>|>>> ازعجت الناس بضحكي خلق الله نايمة و انا اضحك بقوة من تخيل الموضوع لووول
اكمل هذرتي ادري خذت مساحة كبيرة >>> توك تدري شيخ علي؟!
يمكن يكون بو الشباب عنده عيال بس مو مرتاح مع الزوجة الاولى نفسيا فيلقى الراحة مع الثانية و هذا له الحق فيه
و تنتهي القصة و الله يستر كان ما تحط فوق راس ام فاطمة وحده و تخليها تمضي لياليها ببكاء و عويل
لكن في النهاية لا اوافق لانه في زمنا يغلب سوء النهاية على حسنها يعني بيتزوج و بيعل قبله
و يبقى الحب للحب الأولي المرة الاولى مثل ما قلت
و شكووورا يا فلاان مسوي كومرشال حق الميرزا
>>> خلصنا هذرت وايد و بالقطيفي هدرت هدرة
ههههههههههههههههههههه
بوحسين على قولة العراقيين ولك هواية خطير ههههههههههه
أولا : لا ماتهون علي ام فطومك
ثانيا : امبلة اذا عندج مثل " حكوكة " خير وبركه
زين أنك كتبت بالقطيفي والله أنها أحلى من العربيه
كلامك والله صح >> بس لاتصدق مب كله عدل
يعني أهم شيء البطن والمجابيس عندكم إذا توفرت هالنقطه أكيد بينسى كل السلبيات
حتى لو كانت زوجته جيكرة
هههه
اهو خيه شوفي الفكرة مو فكرة اكل بس
يعني صحيح انه في بعضهم ماخذ الحياة الزوجية وناسه وطلعة وتغير جو
لكن مايمنع انه الغالب منهم له فكر ثاني
وماقصد شباب هالوقت
يخوفون :p
مع اني من شباب هالوقت لكن شاذ عنهم فكريا وروحيا :rolleyes:
شنو يمل ومايمل .. ليش الزوجة قطعة أثاث ونغيرها
ولا الزوجة الثانية غير عن الأولى كلنا حريم ونفس بعض لاتقول يغير عذر بايخ ترى
وإذا عالملل خل نتكلم بمثل منطقك ليش إحنا مانمل ؟؟
وهذا إحنا صابرين على مابلانا ربنا >> لاحول ولاقوة إلا بالله العظيم <<
أعذرني أخوي خادم فيكم رجال تطفش
حجية مريم
الملل مو قضية انه الواحد يمل من زوجته من ايي والطريج
لكن القضية الي فيها الملل خاصة بالزوجات "الحنانات" الي ينكدون عيشة الريال ويمل منهم
آهاااااااا يعني في إعتراف ان المرأة أكثر وفاء من الرجل .
يعني المرأة لديها القدرة بأن تبقى على حب رجل واحد؛ بينما الرجل لايستطيع !
لا أعتقد هذا السبب ،، إنصت لحديثي لبرهه
لنقل بأن المرأة كاملة في أوصافها ملبية لزوجها مايطلب غير أنها دائمة التغيير وتنجب الأولاد
وهو بدوره يقر بأريحيته معها . ومع ذلك يتزوج ! مالعذر في هذه الحاله ؟
أنا أعرف حديث امامي أمير المؤمنين أعرفه جيداً
لم أتحدث أنا على تعدد زواج المرأة
كان منطلق حديثي بحد ذاته الملل
وله علاج للمعلوميه غير الزوجه الثانيه
ولقوله تعالى "هَلْ جَزَاءُ الإِحْسَانِ إِلاَّ الإِحْسَانُ "
بمعنى لايقابل الإحسان إلا بالإحسان ،، المرأة أحسنت لزوجها وأعطته أكثر من حقوقه المشروعه لكي لايذهب للحرام
تحياتي للجميع
كلامج كأساس صحيح خيه مريم
لكن الزواج بحد ذاته ماكو مشكله فيه وإن تعددت الاسباب الداخلية
و الرجل وفي و اكبر مثال الائمة و عشان نتكلم عن اللي في مستوانا الدليل قصص الحب و اللي مثلا تتركه حبيبته يروح ينتحر الخ
لكن يطغى جانب الشهوة اكثر في بعض الاحيان فشنو يسوي؟! يروح للحرام مثلا؟
رب العالمين ما اوجد شي بدون سبب لكن لكل شي ظرف و لكل مقام مقال
و في مثلا نساء مو وفيات لازواجهم منها مثل زليخة خانت زوجها و ان كانت بعد ذلك من الصالحين لانها تابت
يبقى على الفرد نفسه و يبقى الزواج بالثانية له ظرفه و ان كان بعيد عن الوفا
و بالعكس لو تسالين اللي متزويجن ثلاث او اربع رح تشوفينه يرجع للاولى لانه تعود على اسلوبها و اشيا كثيرة
فبعضهم يتزوج و اكبر سبب الحلال و الحرام و ثاني سبب العيال و الخ من الاسباب
احسنت بوحسين
درر
بالنسبة لقصص الحب : هذا خرابيط نصابين مافيهم ينتحرون !
يمكن بالمسلسلات فيه لكن بالواقع مافيه
ولكن نقدر نشوف بالمقابل وحده تذبح روحها عشان فلان ماتزوجها !
مو فلان مشرفنا ههههههههههه :p
يعني نقدر نقول فيه جانب خافي انه الريال تزوج لانه فيه مشكلة معينه مالها حل في المره
مثلا عدم حشيمة زوجها ، تلبس ملابس ضيجة برغم من تحذير زوجها وغيرها
لكن الحكمة من الزواج الاثنين والثلاث والاربع متركزة على جم نقطة
1- تقليل عدد العنوسة واهو السبب المهم
2- فتح باب ومجال لتكبير النسل
3- ان تزاعل من النسرة يروح للطيبة
الناس وصلت للقمر وناس خصبت اليورانيوم وناس صنعت احدث الاجهزة والبرامج
ووووووو العالم كله تطور وتقدم واحنا بعدنا يادوب نزحف وسط هالمعمعه
تفكيرنا سطحي وعقليتنا محدودة
والقضايا الي نقوم ونقعد عليها مستهلكة
قضيتنا الي عمرها ماراح تنحل تعدد الزوجات
خلنا نتكلم بجديه وبعيد عن الهزل اشوي
التعدد مباح فعلاً وهالشي ماحد ينكره
حاله حال الطلاق مباح ايضا
لكن لما نجي ونحلل كلمة مباح نوصل الي انه مو واجب يثاب فاعله ويعاقب تاركه
طيب وصلنا انه مباح بس تكرهه النفس وتبغضه
ليش لما نتكلم عن التعدد نقول انه يحل مشكلة العنوسة
بالعكس هو يضخم هذي المشكلة
كل واحد منكم ذكر ايجابيات للتعدد
ولا واحد ذكر لو بعض من سلبياته
لو تلاحظو مايجي من ورى التعدد الا ضياع الحقوق وتشتت الاسر وانحراف الابناء وكسر لنفوسهم
طيب الي يقول انا شخص مقتدر وشنو الي ماسكني مااتزوج الثانية والثالثة والرابعة
زين عندك القدرة المادية هل عندك القدرة على العدل من جميع النواحي
ويحقق الشرط المذكور في القران
لي عودة مرة اخرى ...
الي اللقاء
اروح قسمي ابرك لي
تفنيد مقالة المشرفة نسايم ;)
1- الفرق انه الله كره لنا الزواج لكن الزواج لم يكرهه بل ذكر محاسنه حتى النبي صلى الله عليه وآله تزوج 11 امرأة بقوا على ذمته 9 حريم
2- اذا كان يؤدي لضياع الحقوق فيكون حكمه كحكم الزواج الابتدائي (الزواج الاول) بعدم الجواز وراجعي تقسيمات الزواج
فما بالج بحرمتين الي امرنا الله بالعدل بينهم
أما انحراف الابناء ، اذا احسن الاب تربيتهم فهم ماراح ينحرفوا ابد !
الحين الواحد لمن يتزوج من وحده وييب منها 11 ياهل هل نحكم عليه انه راح ينحرفون عياله؟؟
واذا انحرف بعض الابناء مافيها مشكلة !
فحتى ابناء الائمة عليهم السلام انحرفوا!
فصار حسدا لاخوانهم !
فمالها شغل الانحراف دام اصل التربية على الحسن
3- العدل بالحب ماراح يصير ابدا وهو معجز !
حتى الرسول صلى الله عليه وآله كان يميل قلبه للسيدة الطاهرة خديجة عليها السلام ;)
السلام عليكم جميعا
اود ان اضي نقطه بعد ما تابعت كل الحيث من اوله الى تاليه
منو في نظركم المتضرر الوحيد في الزواج المتعدد مثنى وثلاث ورباع اكيد مو الزوجه الاولى ولا البقيه المتضرر الاول والاخير الابناء
الزوج الي هو آدم والله ما ارتاح في البيت الاول راح الى الثاني والثالث وهكذا متابع والزوجه والي هي حواء والله اطالع حواء الثانيه شتسوي اهي بعد مثلها الغيره والهواش والي طايح في الشقى الاولاد محد يدري شنو احساسهم ومحد يسألهم رايهم ويشلون راح يتربون تربيه حسينيه بهذا الوضع
اذا كانت ساره عليها السلام زوجة ابراهيم عليه السلام تغار غيرة شديده حتى امر الله النبي ابراهيم انه يودي هاجر عليها السلام مكان بعيد
ههـ الموضوع كله ان شاء الله سلمي اختي مريم ولا تتعقدين ولا شي اشرطي على الزوج ما ياخذ ثانية :d
مم
حلو نسايم
انا معاك ..في الزواج ما افضل فارق العمر الكبير
خصوصا الي بياخذ ثانية وثالثة
لأن من الاهداف للتعدد الستر على المرأة .. وما شاء الله كثيرات في الثلاثين غير متزوجات وهم اولى بهذا الزواج من الصغيرة التي في مقتبل عمرها
وفيه نقطة الي تكلمتي فيها اختي طيف
الابناء
بعضهم ينجب من الاولى ماشاء الله من العيال بعدها يشوف البيت صار وضع ازعاج وعدم راحة له .. ينتقل للزوجة الثانية .. وهكذا يتهرب ويسبب المشكلة مرة اخرى ويتهرب كذلك ..
في القديم كانوا الجميع في بيت واحد مما يسهل عملية متابعة ومراقبة وتربية الابناء
بعكس الان
كل زوجة تشرط بيت بوحدها
لها الحق بأخذ حريتها
لكن كذلك في مسألة التعدد الزوجة تكون مسؤولة عن بعض المشكال التي تستطيع التنازل عنها
فالزواج تنازلات ومواساة واحترام
اسمع عن زواجات بين الصديقات يعني الصديقة المتزوجة تخطب صديقتها لزوجها
ما دري اذا عندكم قصص مماثلة شنو صار بينهم بعد الزواج
هل استمر التفاهم والمحبة او لا؟
احسنت ;)
ــــــــــــــــــــ
ولا انسى شكر الاخ العزيز سلامي على المتابعة بعد
اسمع عن زواجات بين الصديقات يعني الصديقة المتزوجة تخطب صديقتها لزوجها
ما دري اذا عندكم قصص مماثلة شنو صار بينهم بعد الزواج
هل استمر التفاهم والمحبة او لا؟
في فلاان و نسمع عنهم الا في حالة وحده فقط
انما ما تنجب اعيال ,, او زوجها يبغى يتزوج فتقوم المراه ماتبي اجيب له وحده غريبة و تلعب بحسبتها تخطب ليه صديقتها ,, بعض اسمع حتى صديقتها اليي خطبتها لها ما تبغاها في البيت ,,
العرض العادي
