[درب الحسين]

ويه الكاظم فازت زواره
(1)
كل محبوب ايريد احبابه
بفراحه وياه وبمصابه
هاك اسمع واعرف اسبابه
هذا الحُب وهاي اسراره
(2)
ابن الاكرام بعـنوانه
معروف الكاظم ديوانه
مفتوح وفارش ذرعانه
مضيف اشلون ايرد خطاره
(3)
باب الحاجات اللي ايـﮔصده
ينطيه امراده وميرده
مايترك احبابه بشده
انعرفه ونعرف زين اخباره
(4)
رغم الاخطار ايـﮔصدونه
ونيتهم نعشه ايشيعونه
يردون احبابه ايوافونه
ماصدهم موت واخطاره
(5)
متعنيه بكل حيل وهمه
للكاظم مولاها اتشمه
ايلفها الموت بجسر اليمه
وبالجنه ياخذها لداره
(6)
والشيعه التعرف مولاها
الما تـنساه وما ينساها
بالمحشر يحضر وياها
من الباري ايقدملها ابشاره
(7)
وياها و ياريت ايلفنه
الموت ونحضه وياها بجنه
هذا الفـوز المامش منه
وما تحصل وياه اخساره
(8)
هنياله وياكم هنياله
المات وياكم هنياله
يتقيدله ابسجل اعماله
من احباب الكاظم وانصاره
*******

[/right][/center]

[عاشقة النجف]

[FRAME="2 70"]بسمه تعالى

باب الحاجات اللي ايـﮔصده
ينطيه امراده وميرده
مايترك احبابه بشده
انعرفه ونعرف زين اخباره

*************

صدقت اخي
وفعلا ال بيت الرسول لا يردون من اعتنى لهم بطلب وقصدهم بحاجه
سلام الله على انوار الارض والسماء

موفقين اخي وبارك الله بكم على المشاركه الجميله
ننتظر جديدكم [/FRAME]