[كــرار العراقــي]

أيتام الوطن تبچي واجاها العيد
وينه إلي يهم بفرحة الأيتام
وينه إلي يقلد حيدر الكرار
ويمرر يمينه ويمسح أعلى الهام
وينه اليدعي جده النبي المختار
ويلبس الأرامل افخر الهندام
وينه الشايل الغيره ويحب حسين
ويمثل كفيل العايله الضرغام
وينه القدم ايده تبوس بيها الناس
أيتام العراق أعلى الرصيف تنام
ويتيمه تحس دمع عين الغزلها الجوع
بردان الهزيله وشهگت المنضام
ويتيم هناك نايم تحت جسر الخوف
ركب جفن الطفوله المطعم الأحلام
شاف بمطعم أحلام اليتامى الخوف
جالس عالكراسي بصورة الحكام
رجع يفتح جفن يتفزز الكابوس
لگه أصحاب النزاهه ومشنقة إعدام
منصوبه ورجال هواي يمها تطوف
تشنق كل يتيم يكثر الأحلام


تحياتــي للطيبيــن