قصيدة في حق الزهراء عليها الصلاة والسلام للشاعر الأستاذ مرتضى شكر - النجف الأشرف ....
روه اتراب العقيدة نزف أوّل شهيدة
جنين اوضلع آيـه على أعتاب الولاية
نزف أوّل شهيدة
أول شهيدة الوسمت باب الدين
زهرة محمّد دم صدرها التدوين
هاي أم أبوها اوفخر طـه اوياسين
صوت العدالة الحارب المرتدين
بركان العدالة ذل جيش الظلالة
فجّر أسمى غاية على اعتاب الولاية
نزف أوّل شهيدة
من السقيفة انطلق جيش الأطماع
ابخسه وحقد مكصدها قلب الأوضاع
من شافت السان الضماير ينباع
حسّبت تعب المصطفى اودينه ضاع
ما تدري الزجية مفتاح القضية
مشكاة الهداية على اعتاب الولاية
نزف أوّل شهيدة
جيش التمرد قاد أشرس هجمه
عالشرع عالأحكام جوره اوظلمه
أجر المودة والثقل والعصمة
بيها شرت كرسي الحكم هالأمّة
شرت كرسي المذله لضى اجهنم محله
عن وعي اودرايه على أعتاب الولايّة
نزف أوّل شهيدة
أول نزف وسّم صعيد الثورة
ضد التآمر والحقد والغدره
حارب الرّده والأفكار القذره
دم الرّسالة نار حق مستعرة
ابّوجه غدر السقيفة رفض ظلم الخليفة
رسم خط البدايــــــة على أعتاب الولاية
نزف أول شهيدة
قادت الهجمة أهل الشرك والأوثان
عالدار دار الوحي اوبيت القرآن
دار النبي ما طبها دون استئذان
ابلفضة (وإن) وابنار قرع البيبان
ناس ابلاضماير شتكل لله باجر
مفضوحة النوايا على اعتاب الولاية
نزف أول شهيدة
كسرت الباب اوتدري لاذت بالباب
زهرة محمّد رادت الباب احجاب
بضعة الهادي الجان واجب تنهاب
هذا الجرم بصمته جفوف الأرهاب
مشهودة الجريمة والسلطة عقيمة
تنجب ياروايــــة على اعتاب الولاية
نزف أوّل شهيدة
دم الرسالة السفكته اجفوف الزور
ابوجه الظلم ما نشف بركان يثور
لليوم ينخه الثار ضلع المكســـــور
دم محسن الهاليوم ينخه المذخـور
هب يا منتظرنه لا لا تعتذرنه
رف للثار رايـه على اعتاب الولاية
نزف أوّل شهيدة
رثاء الزهراء عليها الصلاة والسلام
العرض العادي
