[درة النجف]

عتاب بنت لابيها
غاب الاب بضعة ايام و كانت البنت تفكر بابيها
هل له رجعتا؟...ام يتركها للابد؟؟؟

أرسَلَت لهُ شعرا معبرّا عن ما في داخلها
و كان الشعر كالتالي

بويه ابلايه بختك صدك احنه انموت
واحنه وياك بيت وانت الولايه

ابحظن الهم غركنه واحنه تعبانين
متنه ومالكينه ابحظنه كشايه

بس صبرك خذانه وعبرانه الخوف
وشربنه الامان ومانشف مايه

جم ظيم الاجه وجم جرح مر عليك
وعلى كلبك مصايب مرن اهوايه

بلم شلت المصايب واحنه جنه ازغار
وتعبر هذيج وترجع الهايه

نخلة بيتنه وكلك ثمر مليان
والعثكك صفت شغلتنه رمايه

انته العزه عدنه وانته باب الخير
والبابك وجوبا نعتني اعنايه

واذا دربك كزاز ابكل شبر مزروع
حفايه اعله دربك كلنه مشايه

بر الوالدين اشلون اوصفه ابيت
اذا من الله بيكم نزلت الايه

نذكر لو عطشنه ايفيض كلبك ماي
نشرب كلنه منه ومايجف مايه

تضحك لو شفتنه واحنه نعرف بيك
كلبك عالحزن قط ماوكف نايه

نعرف اشبينه طبعن بس نباوع بيك
لان وجهك صبح لوجوهنه امرايه

منك نستحي وعنك نظم اسرار
تشوف اعيونه وتقراهن اقرايه

تعبر اغلاطنه وتنسى العتب بالوم
تخاف امن العتب يجرحنه بحجايه

بينه تعيش تبقى وبينه تبقى الروح
ومن دونك جسد وكباله نعايه

وحك اجفوف اديك التعباهه الظيم
تعبهه التعب بس بكت عطايه

وحك راسك يبويه وشيبتك والعوز
وحك كل دمعه نزلت امس شجايه

مطلوبين دين ومانوفي الدين
لو نكظي العمر للموت وفايه

بويه ابلايه بختك صدك احنه انموت
واحنه وياك بيت وانت الولايه

تحياتي للجميع
و دمتم محاطين بالالطاف المحمديهــــــــــــ

فرد عليها ابيها بشعرٍ جميل للغايه

وحك عينج يبويه موش كلنه نموت
يموت الماأله بالزين فد ثايـــــــــــه

ويموت الماشتل درب الوفه وردات
ويموت المتمسك بأعظم ولايه

لذا حاولت البنت ان تكتب ابوذيَّتا لابيها قائلتا

اكتله و اشرب ابدمه الظوجاك
و هذا اني التشوفه ظو اجاك
يبويه بكل ذنب شفته و ظوجاك
اذا وجه ابوجه سبه الخويه

بعدها رن جرس البيت لدا البنت
فتحت الباب و اذا بابيها واقفا بكل هيبة...

مما راق لي

[حيدر الخياط]

عاشت الايادي الكريمة

كلمات رائعة جدا

وانتقاء اروع

خالص تحياتي

[درة النجف]

اهلا و سهلا بك اخي الكريم
نورت متصفحي و الاروع مرورك الجميل
و ايدك العايشه اخوي

[ابو ظاهر البركي !]

الله الله الله
ماأحن هذه البنت على ابيها
ومااروع هذه الابيات الرائعه من بنت لأب حنون اكيد مثلها ربما اكثر منها


سلمت يداك يادرة الخير

بابا
ابو ظاهر

[درة النجف]

بسم الله الرحمن الرحيم
و صلى الله على محمدٍ و آلهِ اجمعين

شكرا لك يا ابي ع هذا المرور الرائع
و الاحن هو ردك الجميل
بكلماتٍ طيبه...موضوعي متواضع لاكن ردك رائع

سلمت يداك انت يا ابي الحنون
تحياتي

ابنتك درة الخير

[الروح]

درة النجف
بوركت الأنامل على هذا الأنتقاء
وسلمك الله دوماً وابداً
من القلب والروح
لك الف تحية

[ابو ظاهر البركي !]

أخبرج بنتي وكتي ضوجاني
شوكت افرح واكولن ضو جاني؟
أذا دنياي ضلمه ضاوي اجاني
وجهج يابعد روحي وأديه


تحيات
بابا ابو ظاهر

[درة النجف]

اقتباس : المشاركة الأصلية كتبت بواسطة ألروح [ مشاهدة المشاركة ]

درة النجف بوركت الأنامل على هذا الأنتقاء وسلمك الله دوماً وابداً من القلب والروح لك الف تحية

شكرا لمرورك القلبي و الروحي يا آلروح
اناملك المباركه يا بهية القلب يا جميلة الروح

تحياتي

[درة النجف]

اقتباس : المشاركة الأصلية كتبت بواسطة ألأنتظار [ مشاهدة المشاركة ]

أخبرج بنتي وكتي ضوجاني شوكت افرح واكولن ضو جاني؟ أذا دنياي ضلمه ضاوي اجاني وجهج يابعد روحي وأديه تحيات بابا ابو ظاهر

مشكور يا بابا الحنون

ابوذيه في غاية الرووووووووعهــــ وربي
شعرك جميلـــــــــــ والاجمل روحك الصافيه ـــــــــــ
وجهك المنور علينه يا بويه

و ياربي يفرحك بالذريه الصالحه اللي تحمل اسمك الطيب
اللي تحمل طيبة قلبك و كرمكـــ

تحياتي