[عاشق الأهات]

يمه أنا صدري من الهم ضايـق
اضلوع صدري ما يشيلن همـه
يمه أريد ابكي واهـد الغلايـق
ازريت حتى الجو ما اقدر اشمه
تكفين لميني ترى الموت سايـق
يسوق روحي بين لمـه و لمـه
يمه ابي فرقا عيـون الخلايـق
اللي تباريني علـى كـل يمـه
شاعر واخاف اليوم ظلم الحقايق
اخاف يسقيني الزمن مر سمـه
يمه بموت من الهجر والشفايق
دام الهوى المطعون فالعين زمه
يمه أنا مابحت لأدنى الرفايـق
والله ما قهويت عرقـي بدمـه
يمه انطعنت وجرحي اليوم فايق
في ذمتي لاشق ثوبـي وكمـه
يمه ابي اعرف اذا الموت بايق
هو باق خلي من عيـونٍ تهمـه
علمه لفاني من دروب و طرايق
قولي ترى حيلي فقد كل عزمه
ياليتني ما اقفيت بالـود رايـق
يومٍ إن عينه تبتسم لـي بسمـه
يقول ما غيرك لذا العمر لايـق
العمر راح اليوم دونـه مذمـه
راح و تركني ما تحرى الوثايق
الموت ضمه قبل صدري يضمه

___________
تحياتي
عاشق الاهات

[ربيبة الزهـراء]

الله كلمات رائعه و راقية
تسلم يدك يا عاشق الاهات
وانشالله مانشوفك ضااايج

تحياتي
ربيبة الزهراء

[سحر اللؤلؤ]

اقتباس :

يقول ما غيرك لذا العمر لايـق العمر راح اليوم دونـه مذمـه راح و تركني ما تحرى الوثايق الموت ضمه قبل صدري يضمه

رحم الله والديك اخوي عاشق الاهات
شعر حزييييييييييييين فتحت علي ابواب مصكرة
بس الله وياه دام تركني وراااح ....

[أميرة الدلع]

مشكور عاشق الاهات شعر محزن

[سيف آل محمد]

الله كلمات رائعه و راقية
سلمت يدك اخي العزيز عاشق الاهات
الله يعطيك الف عافيه
موفق لكل خير

[مغرورة الحب]

مشكور كلمات في قمة الروعه يالمبدع

[دلوعه]

مشكور اخوي عاشق اهات على الشعر الرائع والاكثر من رائع وخلنا انشوف ابد اعك

تحياتي

دلوعه
(همس الشوق)

[عشق فاطمي]

دائما مبدع يا مهند

قلم يلامس القمة بمشاعره

[بنت النور]

كلماتك منتهى الروعه

انت شكلك مضايق عدل ياعاشق الله يفك الضيق عندك انشاء الله


تحياتي

[دلوعه عراقي]

ماشاء الله عاشق مبدع دائما
ربي يجعلك سعيد دايما في حياتك ويبعد عنك الضيق
تحياتي العطرة
دلوعه عراقي