[(سر وجودي)]

فترت النفاس فتره طويله بالنسبه للزوج

ويزيد اشتياق الزوج للزوجه بسبب بعدها عن بيتها وعنه ويتمنى لحظة رجوعها بفارغ الصبر

بس بعض النساء تمغطها لشهرين أوثلاثه

وبالنهايه هي الخسرانه

بعض الازواج مايتحمل ويلجأ للضغط عليها

وبعضهم يكتمها بنفسه ويسكت

بس فيه نوع ممكن يتهور ويقلب حياته فوق حدر

هاذة قصه امرأة مع زوجها ..

اقترب نفاسها الى نهايته اتصل عليها زوجها

قال لها: يوم الاربعين تراني جاي اخذكم للبيت

قابلت طلبه بالرفض

وقالت: الحريم يقولون احلى شي الوحده تجلس اسبوع او اسبوعين بعد النفاس

عصب وقال: هذا الكلام اللي عندك زعل وسكر السماعه انقطع عنها وقلل من مكالماته

دق عليها بعد اسبوع وقال: انا ماراح اجي آخذك ويكون بعلمك انا تزوجت

وزوجتي سكنتها في الشقه المعزوله في البيت على قولتنا (شقه المسروقه)

انهارت الزوجه لمت اغراضها وراحت لبيتها

تقول: نفسيته تغيرت بعد كل وجبه يروح ركض لها ومايرتاح في النوم ولا يعدل فيه

تقول: اسمع صوتها وهي تتمشى في الشقه

مبين انها دايم على سنقة عشره ماتسمع الا صوت الكعب

قال لها: زوجها ابعرفك على زوجتي واعطاني من هالنصايح

العصر تكونين جاهزه تطلعين تسلمين عليهاهي العروس

قالت: ابشر اخذها وطلعوا مع الدرج

تقول: والله اني احس الدنيا تدور فيني وقف زوجي عند باب الشقه

وقال: لحظة اناديها ماأن سمعت صوت كعبها كالعادهـ المسكينه الزوجة الاولى الا اغمى عليها ..

صحت على المويه وصوت زوجها

قال لها: قومي ياالخبله شوفي زوجتي ..

فتحت عيونها الا ((غنمه .. عنز )) في وجهها

قالها: هاذي زوجتي

هذا مقلب سويته فيك عشان ماتعصين لي امر

قلت: توبه مافيه نفاس اصلا عند اهلي ..

ماراح اطلع ولا ازور اهلي اعصابي تعبت نفسيتي زفت ..

فيه من يسويها ويتزوج ادميه ترى انتبهن

موقف اعجبني واتمنى ان ارى وجهة نظركم ...؟؟؟؟

[البحرانية]

قضية اجتماعية كانت في الماضي يعاني منها الكثير من الرجال اما الان بفضل التوعية والعلم والاستقرار في بيت الزوجية الصغير كادت ان تندثر الا ما قل في بعض القرى والارياف ,,

فكما يعلم الجميع في السابق البنت تتزوج وتشترك مع اهل زوجها في بيت واحد

يتقاسموا اعمال البيت ,, وقد يشترك في البيت مع الام والاب والاخوان اكثر من زوجة ابن

فالبنت بعد الولادة تكون متعبة وعليها ان تاتي لخدمة هذا الجمهور من البشر ويكون من واجباتها المناطة على عاتقها ان رضت او ابت

لذى نرى تهربها بشتى الطرق

كحجة انها في فترة نفاس مثلا ..

اما الان فلا اعتقد انة يتواجد مثل هذه الاعذار

لاستقلالية الزوجة هذااولا ثانيا لوجود الخادمة في البيت معظم الاحيان

وهذا مااراه في محيطي فالام تترجى ابنتها لتجلس معاها بضع ايام الى ان تستعيد نشاطها وصحتها والبنت تابى ..

لك مني خالص التحية والتقدير

[إشـ ولاء ـراقة]

هههههههه يحليه هذا الزوج عليه حركات والله :d

و من يلومه لو سواها صدق!!!
بعدين الزوجة من لها غير زوجها نفاس و لا غيره ليش تلجأ لغيره؟

يفترض ما تنسى المرأة حق زوجها عليها و ترعاه أفضل رعاية لتحصل هي الأخرى على إهتمامه و حبه و رعايته.
أما أن ترفض العودة بحجة النفاس ... فلو فعلها تتحمل نتيجة أنانيتها.

و على الأمهات عدم تشجيع بناتهن على ذلك أيضا.

أضن هذه الضاهرة خفت هذه الأيام كما ذكرت أختي البحرانية والله أعلم.

طرح تشكرين عليه أختي، بارك الله فيكِ

[عاشق الأكرف]

هههههه

ماشاء الله

هالرجال اخذ شوي من كيد النساء وعملة على زوجتة

بس خوش درس

وعندنا للحين في بعض الناس تسوي وشي اساسي لكن مو اربعين يوم

تقريبا ناس سبوعين ويرجعوو

لان مهما كان الرجال في هالفترة يضيع في البيت دامة بحاله
فمجرد وجودها في البيت كافي نفسيا لزوج انها معاه وامامة

لان الفراق لمده بسيطة بين الزوجين يجدد الشوق والحب اما لما تطول المده يسبب جفا وحساسية بينهم

وهذا الي بدت بنات هالزمن يفهمو له في فترة النفاس

والله يوفق الجميع

[الحانية]

هههههههههه
حلوة الحركة زين جاب لها عنزة وماتزوج عدل
يعطيك العافية ....

[كيفي شيعيه]

هذا يحبها عدل
شكراً أختي على القصه الحلوه

[نور المستوحشين]

ههههههههههههههههههههههه والله خوش

بس زين صبر ولا علمها السالفة من اول شي

أنا يمكن مع فترة النفاس ال 40 يوم عند الأهل للمولد الأول بس بعدها ماله داعي خلص تعلمت على شيلة الطفل وعلى التبديل له وهيك سوالف

يعني تاخذ اسبوعين راحة عند اهلها ويلا خل نقول شهر وبعدها تروح

ولكن المسكينة إذا ولدت بعملية شتسوي الجرح والتعب وغيره وغيراته يعني كأنه المفترض يراعي هو هذي الظروف

يعني هي تعبانة وشقيانة 9 شهور وقرفانة من عمرها بعد خخخخخخخخخ حرام عليها تريح وتتدلع 40 يوم

اويلي عليها المرة كل شي فوق راسها

بس يلا زين قصة حق لايتدلعو النسوان ويخيمو في بيوت اهاليهم

تحيااتي نور...

[فلاان]

هههههههههه خوش قصة

هو صحيح فترة الراحة خصوصا الولدة الاولى تكون بين اهلها اونس لها واريح

لكن خلاص ترتاح مثل ما ذكرتم لفترة وبعدها بيت زوجها موجود أقلها لا يشعر الزوج بالفراغ
حتى لو كانت موجودة طبعا بيدلعها ما بيكرفها في البيت .. مو له ؟ ;)

[فاطمه مصطفى]

ههههههههههههههههههه

حلو حلو ...
وصح كلامكم اول مولود عادي ..

لكن الثاني يمكن تكون تعرف له كل شئ
وصحيح الرجل بيكون لحاله على الأقل تكون معه
وتسولف معاه وينقضي الوقت بسرعه ..’’

شكراً غلاي على الطرح الرائع ..
تقبلي باقات شكري الجزيل
مودتي

[صبر الدنيا]

ههههههههههههههه هذا درس للزوجات و نستفيد بعد احنا العازبات