راح ابدي اطرق الباب (تك تك تك)
انته منو شرايد (الأستاذ الياسري)
أستاذ ممكن أشارك بالأمتحان اني اسمي مازن الشطري
فوكـَ ما ممسجل بالمدرسة جاي متأخر(الياسري الأسناذ)
أستاذ صدك مشاغل الحياة منعتني من التسجيل
والعلوية كَرايبك عطلت الحاسبة
يلة بس بعد لتسويها او تجي متأخر
صار أستاذ الله ايخليك
العليل التقيــــد *** يجـــــــدي محمد
الحرم واليتامـه *** فلا اله احـــــــــد
يندبك يجـــــدي *** حرم وانه وحدي
يجدي محمد
ياجدي الزمان الوحدي خلانـــي
راواني رزايا اشكــــال راوانــي
جتفـــني الدهر بحباله لفانـــــي
تكدرتلفي يمي وتطفي نيرانـــي
تكصـــد للطفوف وبيه تلكانـــي
اتوجه علعلتي وجمرة احزاني
تصيح وتنــادي *** وتهز البـــوادي
ابو اليمه وينــه *** يزين العبــادي
دمعتي علخــدي *** جوابــي وردي
يجدي محمد
ذب دهري علي الضــــيم متوالـــي
ياحـــال الفجيعة المـــا مثل حالـــي
شفت حسين ابوي اموذر اكبالــــي
على خدودي دمع فركاه ظل حالـي
كواكب على الأرض ياجد تراوالـي
ابحر الدم أشوف ابدور وتلالـــــي
بدور الهواشــم *** خسوف اله دايم
اناشــد يالاكـــبر *** واناشد يجاسـم
مردتولي جبـدي *** حرم وانه وحدي
يجدي محمد
تانيتك يجدي ابلوعتــــي ولهفـــــــــي
تخمـــد خيمه شبت تحضر اطفــــــــي
شوصفلك يجدي ولو عجز وصفـــــي
اشوف اجساد اخوتي اموذره ابصفـي
لو بحبال خصمـــــك منربط جفــــــي
تكدر تحضرانته وبالعجـــــل تلفــــــي
اظل بانتظــــارك *** تجي ونتشــــارك
يجدي وعدونــه *** يطلبونه ثــــــارك
ابدر ثاره يهـدي *** حرم وانه وحدي
يجدي محمد
ياجــــدي ارتجيت ابكربله حاضــــر
تسمع ابو اليمــه اينادي بالناصــــر
آلا هل ناصـــرٍ صوته الوثب صادر
يجيبونه ابسهام وسمهه متكـــاسر
اشوف الجيش زايد جمعه متكـاسر
بشـــر مو بالحقيقة ولكن الظـــاهر
جيوش الاعــــادي *** سيوف العنــادي
ابكطعت وريـــــده *** تكطع فـــــؤادي
جرح كلبي يدي *** حرم وانه وحدي
يجدي محمد
ياجدي الطفوف اتعيش في بالـــــــي
ناسي شلون ابداً لاتضــن سالـــــــي
تمنيت المنيــــــه الموت اشوالـــــــي
ولاشوف الكمر نوره انخسف تالــــي
من اشوفن نار اذكر بالطف اهوالـــي
من اشوف اطفال اذكر روعة اطفالـي
عويــــل اليتامـــه *** يظل للقيـــــامه
جرح بعده ينـزف *** نريد التئّامــــه
عهد ثاره عهـدي *** ثارك يمهـــدي
يجدي محمد
مازن الشطري
العرض المتطور
