[رياض الرسل]

اهديكم قصيده بحق

عبد الله الرضيع (ع)

واسأل الله القبول لي ولكم

*****************

أبني وسلوتي عبد الله لب أحشاي

من نحره سگـوه بالطف بدال المـاي

*****************

عليك اشكثـر انحب والدمع مسفــوح

ولا يبطل ييمه اعـلـيـك هــذا النــوح

شنو السويته يمه وبالنحـر مذبـــوح

طفل بعـدك يعـبد الله ونظـر عـيـنــاي

****************

طفـل بعـدك يعـبـد الله واجـاك البـيــن

خذاك بساع مني ومن ابـــوك حسين

شسوي بعيني من بعدك يضي العين

اذا متـشــوف وجهـك ياحـلـم دنـيـاي

******************

صدگ يايمه متـشـوفـك بعــد عـيـني

وحـال الـمـوت مابـيـنــك ومابـيـنــي

شلي بعمري وحياتي وشلي بسنيني

مدامك مابقيت وعـشـت انته ويـــاي

******************

يظل گلبي الـيـون اعـليك شيصـبـره

يازهــرة شـبـابي وراحـت الـزهــره

راح ابقـه انــوح واسچـب العــبــره

لأن مـشبعـت بعـدك من لـذيذ اربـاي

******************

اظـل انحـب عـلـيـك ولاتـظـن انساك

يسباح الگلب وبـروحي كون افــداك

ييمه من رحـت تــاخـذني كون ويـاك

عـفـتـني للهـضم والحـيـرتي وبلواي

******************

عـفـتـني والـدمع دمعه بـأثـر دمـعــه

الولي بالمهــد خـالـي وعـليك انـعـــه

بعـد بيش انه اصبر روحي والوسعه

علي ضاگت يعـبد الله الأرض وسماي

**************

رياض الرسل

[ابن الشاعر]

السلام عليكم
اخي الشاعر المتالق رياض الرسل
احسنت سيدي ايها الشاعر الرائع
لكل حرف حسنه واجرك مضاعفا
تقبل بسيط مرور اخيك
ابو مهدي

[رياض الرسل]

السلام عليكم

الحبيب الغالي
ابو مهدي الطيب


دائما تشرفني ويسعدني بمرورك الغالي
الله لا يحرمنا منك
واسأل الله قبول جميع اعمالك
وان يجمعنا الله معك
على محبة محمد وآل محمد


خادمك
رياض الرسل

[نزار الفرج]

بسم الله الرحمن الرحيم
لله درك يا رياض انها قصيدة تفتت الصخر
بوركت بوركت وشفع لك ابي عبد الله الحسين عليه السلام
وولده الرضيع سلام الله عليه
ابو محسد

[رياض الرسل]

السلام عليكم

حبيبنا ابو محسد الغالي




اشكرك اشكرك اشكرك
دائما تشرفني وتسعدني بمرورك الغالي
والله يحرمنا منك
واسأل الله القبول لي ولك ياطيب


خادمك
رياض الرسل

[ابو ظاهر البركي !]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

اهديكم قصيده بحق عبد الله الرضيع (ع) واسأل الله القبول لي ولكم ***************** أبني وسلوتي عبد الله لب أحشاي من نحره سگـوه بالطف بدال المـاي ***************** عليك اشكثـر انحب والدمع مسفــوح ولا يبطل ييمه اعـلـيـك هــذا النــوح شنو السويته يمه وبالنحـر مذبـــوح طفل بعـدك يعـبد الله ونظـر عـيـنــاي **************** طفـل بعـدك يعـبـد الله واجـاك البـيــن خذاك بساع مني ومن ابـــوك حسين شسوي بعيني من بعدك يضي العين اذا متـشــوف وجهـك ياحـلـم دنـيـاي ****************** صدگ يايمه متـشـوفـك بعــد عـيـني وحـال الـمـوت مابـيـنــك ومابـيـنــي شلي بعمري وحياتي وشلي بسنيني مدامك مابقيت وعـشـت انته ويـــاي ****************** يظل گلبي الـيـون اعـليك شيصـبـره يازهــرة شـبـابي وراحـت الـزهــره راح ابقـه انــوح واسچـب العــبــره لأن مـشبعـت بعـدك من لـذيذ اربـاي ****************** اظـل انحـب عـلـيـك ولاتـظـن انساك يسباح الگلب وبـروحي كون افــداك ييمه من رحـت تــاخـذني كون ويـاك عـفـتـني للهـضم والحـيـرتي وبلواي ****************** عـفـتـني والـدمع دمعه بـأثـر دمـعــه الولي بالمهــد خـالـي وعـليك انـعـــه بعـد بيش انه اصبر روحي والوسعه علي ضاگت يعـبد الله الأرض وسماي ************** رياض الرسل

ضاكت دنيتي وماريد اعيش بلاك
يبعد امك ييمه البين ماخلاك
اخذ مني حياتي الجانت برجواك
يعطشان وسكوك بنبل موش بماي

**************************

سهم البين صابك واخذ مني الروح
لضل عليك مابطل ونين ونوح
يريت انذبح كبلك يمه يلمذبوح
لأن ماضل دوه لعلتي ابد ولداي




اخي رياض تزاحمت دموعي مع كلماتك
بحق الرضيع عليه السلام
جزاك لله خيرا ايها الشاعر الموالي


تقبل مني مجاراتك
ورزقنا واياك شفاعة محمد وال محمد


خادمكم
ابو ظاهر لبركي

[الروح]

نزفٌ شجي وكأني أسمعها تإنّ
على المنابر الولائية وتصدحُ بوجعٍ مثكول
وتنسابُ أبياتاً منتظمة..،
رياض الرسل بوركت الأيادي سيدي العزيز
مُثاب على كل حرفٍ نزفتهُ قريحتُك
إمتناني وودي

[علي البههادلي]

احسنتم وجزيتم خيرا عزيزي رياض
كلمات ولائيه حزينه ومؤثره جعلت في ميزان حسانتك وانالك الباري
شفاعة من توليتهم ماجورين ومسددين
تقبل مروري ولك خالص تحياتي

[رياض الرسل]

السلام عليكم

حبيبي ابو ظاهر الغالي

دائما تخجلني بمرورك الطيب
ومجاراتك شرف لي حبيبي
والله لا يحرمنا منك ابدا

خادمك
رياض الرسل

[رياض الرسل]

السلام عليكم


الروح الطيبه

دائما تشرفيني وتسعديني بهذا المرور الطيب
الله لا يحرمنا منك ابدا

رياض الرسل