[ابو معاد النجفي]

[frame="1 80"]بسم الله الرحمن الرحيم
السلام عليكم ورحمة الله وبركاته
لسان حال الامام العباس (ع) للعقيله يقول؟؟؟؟

شلون اختي ام الخدر مهمومه.....سمعي بيه من اطب للحومه
انه ابن حيدر معروف النســـب
جدي طه المصطفى فخر العرب
والدي ليث الوغى يوم الطـلب
هالحرب بيه اله معلومه
والدي هو الصراط المستقيم
واليبايع حيدره ينال النعــــيم
هو بالقران واياته الكــــــليم
يشهد افراش الرسول ونومه
يساعد المحتاج لو مر عالدرب
والسعاده عنده بايام الحــــرب
وارد الكوثر ومن مايه شـــرب
وبالحشر ايناصر المظلومه
انه ابن ام البنين ام اـــــــلوفه
والوفه من عده درس انسولفه
ربت احسين بحنان وعاطــــفه
ودون روحه ارواحنه معدومه
الماي اجيبه وطلبي يازينب بعد
مااعز اعليج روحي ولاجـــــسد
خوتج وياي منه مانوجـــــــــــد
مخدره وطول العمر محشومه
انه حماي الظعينه ومااـــــــميل
عن طريجي وياج ابدا مستحيل
تودعيني اشلون والمدمع يسيل
اشلون اعوفج بالغرب مالومه
لون سيفي طاح مني اعـــتذر
وجفي يازينب تكطع وانبـــتر
وراسي بالعمود ياخيتي انفطر
اتولته رايت يزيد وكومه
انه سقاي العطاشى بكربله
ماشربت الماي دون العايله
يذكر التاريخ اكبر ملحـــمه
غفت روحي وجسمي سال دمومه
اعذريني يالوديعه لو طــــــــحت
ولو خمد مني الونين وماصحت
وخذو راسي عالرمح منج رحت
اشلون رحتي للسبي مندومه
اعذريني لو تنظرين لـــــــيزيد
شامت واحقاد اجداده ـــــيريد
شما جمع شلمه تراهو هم يبيد
بعزم الله تزيل اغيومه
]اخوكم
خادم اهل البيت
ابو معاد النجفي[/size[/frame]]

[عاشقة النجف]

سلمت الايادي المباركه اخي ابو معاد
جميله كلماتكم وحزينه تعابيركم
عطرتم المنتدى بقصيده حيدريه حسينيه
سلمت الايادي اخي الكريم
رعتكم الزهراء

[النجفي]

بارك الله فيك اخي العزيز

تحياتي