نزل وحي الجلاله واعلن المرسوم
ولنْ وجه النبي المختار شو ازهــرْ؟
ابشارة خير چنهه اوواضح ومعلوم
ابتشرْ بيهه الامين وهلل وكبــــّرْ
وصاح ابصوت ابلغكم امر محتومْ
وماعندي عذر للــي سمع وانكـــرْ
واليكم علي من بعدي ياهالگـــومْ
وهـــو حامل لوائي ابسـاحة المحشرْ
والينكر علـيــه البيعه ظـــل ماثومْ
سلك درب الظلاله وتاه وتعثــــرْ
//////////////////////////////////////
وباچر عالصراط اهناك يبقه ايحومْْ
مايگدر يعبره الماوفه الحيــــــــدرْ
ابو الحسنين سيف العدل والمظلومْ
وعلى روس الاعادي ايصول ويطبّرْ
علي وانته التچيه وذخر للملچــومْ
چامو حگنه نذوب ابحبــك ونسكرْ
ومو حگنه نندبك احنه من انگومْ
لان ذكرك عطرنه وبيه نتعطــّرْ
وحگهه الناس لمن بيك تفخر دومْ
ياساقي العطاشا اهناك من كوثرْ
|||||||||||||||||||||||||||||||||||||||
ياكفوء البتول العدل بيــك ايدومْ
ومن نورك تراه الكون هل نوّرْ
عاجز شرد اوصفك والحرف مهزوم
مااگدر اوصفك ابــد مــااگدرْ
ياچلمه التوصفك گلي يامرسومْ
ويحتى الشعر تــاه ابمدحك وقصّرْ
لچن هاجت اشواگي وهمت بيك اليوم
سحر حبّك اسرني وصرت متاســّرْ
ذبت من عظم شوگك والگلب مالومْ
وتظل انته الكمال وغيرك المنكرْ
//////////////////////////////////////
تمت بعونه تعالى
نسال الله القبول
علي البهادلي
استكمالا لفرحة عيد الولايه عيد الغدير الاغر ابيات من وحي الذكرى العطره
العرض العادي
