[قاسم حتروش]

لو نويت السفر ** أبقه وحدي بخطر
عليله وذهيله من سمعت الخبر
*********
ها يبو الأكبر أشو جامـــــــع عيالك
وأنظر لوضعك يبويه أنشغـــل بالك
جنّك تريد السفـر أنظـــــــر الحالك
وهاي يمي حطّــــت وناخت جمالك
وطلعت العايله ** وأنه لمدللـه
كئيبه غريبه زاد همّــــي وكبر
*********
هــــــاي حاجاتي جمعتها بين أديه
كلها مرزومه بقـــــــت مثل البقيه
بس توافــــــــق بويه وتأشر عليّه
نركب بمحمل ســـــوه أنه ورقيه
وي خواتي حضرت ** ها يبويه شكلت
عله بابك جوابك أسمعه أنتظر


ذني بويه وياك طلعـن كــل خواتي
هـــا يبو اليمّه أكــــوم البس عباتي
لـــــــو مشيت ويـــاك أنسه نايباتي
ولـــــون عفتوني أظـن يحل مماتي
خذني ويه الأهل ** ما فكدت الأمل
حنانك أمانك يشفي ليّه الصدر
********
محله لم الشمل يـــــا بويه بسفركم
وينجمع كـــــل الأهل محله شملكم
شلون ترحل بويه وتعـــوف لبنتكم
هذه معروفه أبـــــد مو من شيمكم
علّمتني الوفه ** وأني متأسفه
اعتذاري اختياري خاف فد شي بِدَرْ
*********
كلها يا بويه سفرنـــــــه عليج زحمه
هاي رحلتنه طويله أتريــــــــــد همه
لون حط الظعـــــــــن ونزالت الغمه
أبعث الأكبر أخيّج لـــــــــــــــو لعمّه
هذا وعدي الج ** كومي ودعي هلج
خواتج عمامج بيها طولي النظر
********
هـــــــاي أم الأربعة تبقه بجوارج
وهيه لتمرج يبويه تشـــوف حالج
مــــن تجيج وتعتنيج بوسط دارج
بشوفها تشوفين يـــا بنتي لعمامج
من تجي تنسعد ** وتطفي نار البُعد
حنينه أمينه وإلنه تفدي العمر
********
مودّع بالله يبويه ونظــــــــــر عيني
وانه أعرف مــــن سفركم ما تجيني
راح أضل وحــــــدي أتسلّه بونيني
وأنتظر طارش إلي منكــــــم يجيني
ومن يجي المنتظر يضوي مثل الكمر
بطلعته فرحته وينتهي كل كدر


الشاعر
خادم الحسين (ع)
قاسم حتروش البلداوي
خادمكم
أسألكم الدعاء