بسم الله الرحمن الرحيم
اللهم صل على محمد وآل محمد وعجل فرجهم
هــــــــــــارون وينـــــــــــــه
ــــــــــــــــــــــــــــــــــــــــــــــــــ ــــــــ
هارون وينه إو وين شر مأمونه == خل ينهض إيشوف الرضا بعيونه
ــــــــــــــــــــــــــــــــــــــــــــ
خل ينهض إيشوفه تزوره الوادم == كلها تجي وإللي يزوره غانم
ياخذ هديته من سليل الكاظم == تصبح حياته إبحب علي مرهونه
ـــــــــــــــ
حب الرضا ثابت ابد منبيعه == هذا الرضا تقصد تشوفه الشيعه
أمر النبي نمشي عليه وإنطيعه == حب عترته واجب علينه إنصونه
ــــــــــــــــ
هذا الغريب المعتلي إبأنواره == فاتح مضيفه إو معتني إبزواره
آلاف عنده زايره إو خطاره == راحة فؤاده إبحب علي مقرونه
ــــــــــــــــ
موش الغريب إبن النبي هادينه == هارون ضاع إو ماتكلي وينه؟
هُوّ الغريب الماحواها الزينه == وإبن النبي شامخ بقه إتشوفونه
ـــــــــــــــــ
هذا إبن موسى الرضا مولانه == عنده المحب تقضي إو تزول أحزانه
أقصدْ إله إو إكعد وسط إيوانه == ياطالب الحاجه تره مضمونه
ـــــــــــــــــ
ياشيعي إلعنْ ظالمي بيت أحمد == زور الرضا وأقصدْ لأرضها مشهد
معصومه زور إو من ثراها إتزود == ترجع سعيد إزيارتك ميمونه
ــــــــــــــــــــــــــــــــــــــــــــــــــ ــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي http://www.jannatalhusain.info/2009/...ile=0911bfbb63
هــــــــــــــــارون وينــــــــــــه
العرض الشجري