[خالد محمد مهدي]

((دِوَه العكَربه))
*************
ليش العكربه تلدغ وسامحهه
وكل الناس تعرف بيمن دواهه
عله حساب الوطن ودمانه لتجامل
ملعون السياسه وهذا فحواهه
ملعون السياسي التاجر بدمنه
ومجاري أرهاب داعش حقده غذّاهه
ذبح بيده الوطن من باعه للأرهاب
وبكل عين صلفه جن مسوّاهه
يحصل أعله اليريده والوطن للقير
بالزاد وملح كّلولي معناهه
الصبح وياك يضحك والكلب أسود
ومن داعش يخاف وأيده وياهه
أيدك من حديد ونار سعّرهه
عندك جيش غِيره وبيه نتباهه
ضيقوا للخناق عليك مايردوك
عله درب الخيانه ثابته خطاهه
منهو الماعرف شنهو نواياهم
الحصانه بيّنت خسَّة نواياهه
ألَّه تموت وحنه نموت يرتاحون
وتصير الخيانه داعش لواهه
خاين أشبكه وخنجره بنص ظهري
مومقبوله منَّك هاي ترضاهه
خلّي الليل مينامه اليخون الزاد
وحيَّر كل شياطينه أللّي خاواهه
أطكَّه أجتاف أذلّه الرادلك ذلّه
ومشانق أنصحب ومحكمه لشباهه
أحرم عليه الكلمه وخنك أنفاسه
سكوتك روس عفنه أتشيخ خلآهه
فوت أبفالك وسيفك يكص ركّاب
وخلّي جلآبهم تبجي عله موتاهه
الله وياك لاتنسه العمر واحد
هاي الكوم الله كّلوبهه أعماهه
سوك بهل الضباع بسوط مايرحم
سوّيهه وخل يكّلون صبر الشيعي سوّاهه