[أنوار البتول]

آلآ يـآ طفل لآ تكبر..

كذآ أجمل كـذا أطهر..

كذآ لآ هـم يترآكم..

كذآ لآ ضغط لآ سكر..

صبــآح ... / ... مـســآء

آلبـراءهـ

هذا الموضوع للتعرف على عالم البرآة

وما يخفيه طيور الجنة في جعبتهم

بنختــار عضو وبنخليهـ يسوي مقابله مع طفل

(أخوه..ولد أخته..ولد خالته..ولد جيرانهم..ولد عمته..ولد شغالته ......وبنات بعد طبعاً الخ المهم أنه طفل)

ولا يزيد العمر عن 10 سنوات

وتسألهـ هالأسئلهـ وتجيب أجوبتهـ

منها نعرف وش تفكيره

ومنها للضحك والمتعه

اسم الطفل وصورته وعمره / أختياري للعضو

الأسئلة :

1/ وش تسوي إذا صرت فاضي ؟

2/ لو فزت بـ 1000ريال وش تسوي فيها ؟

3/ وين ودك تسافر؟

4/ لو صرت مدير مدرسة وش بتسوي ؟

5/ تحبني يا........ ؟ طيب ليش؟

6/ وش تبغى تصير اذا كبرت ...؟

7/ تحب المدرسـه ..؟ انزين ليش ...؟

8/ شنو تعرف عن :

الأنسولين :

الإنترنت :

مجلس الشورى :

الإتيكيت :

الصديق :

الحب :

البحر :

رجاءاً نبغى نشوف الاجوبة بدون تعديل زين

الآختيار يقع الآن على الأخت (أرجوان)
يلا غناتي شدي الهمه بالمقابله وجيبي لنا الاجابات ياهل من ياهلكم طبعا من غير تعدبل ولاتحريف ولاتزوير وبالحرف الواحد زين

خل نضحك شووي عاليهاال ونعرف طريقة تفكيرهم :p

على فكره ترى الفكره منقووله وإن شاء الله تعجبكم

تحياتي لكم جميعاً .. أنوار البتول ..

[أرجوان]

مساء النور
شنو هالحكرات مواضيع حلوه
هههههه

اقتباس :

ولا يزيد العمر عن 10 سنوات

بنت أختي عمرها 8 سنوات

لكن هاجر جدا نحيسه ههههههههه

ولد أختي عمره 5 شنوات
وهذا القمر ما اشوفها الا بالشهر مره ههههههههههههه
وجدا شيطااااااااااااااااااااااااااااااااااااااااااااااا اااااااااااااااااااان
هههههههههه عشان تعرفون المعاناة

اقتباس :

الآختيار يقع الآن على الأخت (أرجوان) يلا غناتي شدي الهمه بالمقابله وجيبي لنا الاجابات ياهل من ياهلكم طبعا من غير تعدبل ولاتحريف ولاتزوير وبالحرف الواحد زين

بسأل أخت هاجر أسمها سارة ههههههه عمرها 3سنوات ونص
بتلعب للعب بالاسئلة بدون تحريف
اساسا هي كلامها كله تحريف ههههههههههه
لي عودة بروح أصيدها هههههه

يلا نبداء المهمة...

[أرجوان]

اقتباس :

1/ وش تسوي إذا صرت فاضي ؟ سارونه عمري الحين انتي قاعدة ما تسوين شي شنو تبين نسوي سارة: نلعب بنات وبعد نلبس عباه ونصب شاي 2/ لو فزت بـ 1000ريال وش تسوي فيها ؟ اذا عند فلوس شنو تبين تشترين اشتري حلله (تقصد حلوة)وألعاب واااااااااجد ونروح ملاهي وحديقة 3/ وين ودك تسافر؟ وين تبين تروحين مع ماما وبابا نروح المدينة مع عمي محمد وياسمين 4/ لو صرت مدير مدرسة وش بتسوي ؟ تبين تروحين مدرسة مع هاجر اي بروح وبشتري اقلام احمر وازرد ( تقصد أزرق)واصفر 5/ تحبني يا........ ؟ طيب ليش؟ سارونه تحبيني حيل اي أحبك بس جيبي لي كل يوم تاتاو دلتسي (كاكاو جالكسي) صرت مترجم على أخر عمري ههههههه 6/ وش تبغى تصير اذا كبرت ...؟ اذا صرتي كبيرة مثلي شنو تبين تصيرين ها البنت تفكر اذا صرت تبيرة سكتت ما تعرف 7/ تحب المدرسـه ..؟ انزين ليش ...؟ ما تروح هي مدرسة 8/ شنو تعرف عن : الأنسولين : ؟؟؟؟ الإنترنت : تحبين الانترنت مثلي الكمبيوتر اي اذا تبرت بقعد مجلس الشورى : الإتيكيت : الصديق : عندك اصدقاء مثلي عندي بنوني وحسوني ولولي واسولي وأموني أحبهم كلهم نلعب مع بعض ونشتري من البعالة (البقالة) زين شنو تشترون نشتري بيسي وحلله وبدادس (بطاطس) الحب : ؟؟؟ البحر :

تحبين البحر
اي احنا نروح البحر
وهو تبير
ونسبح
وأنا أغرد حيل( أغرق )
ونسوي مشوي
والسمس حلوة
ونلعب بالرمل
نسوي بيت صعيل ( صغير)
بس ما عندنا مدبخ (مطبخ)
وعندنا دمادم (طماطم)





وصارت سارة تتكلم عن اشياء كثيرة كثيرة كثيرة
ولا فهمت منها ولا كلمة
وتحرك ايدينها توصف الاشياء ههههههه
بعدين قلت لها روحي بيتكم يلا.
قالت لي حاله(خالة) لا تنسين الدالتسي
والبيسي


أن شا ءالله يا عمري
مع باي حالة..
وهكذا وبعد عناء طويل انتهت المقابلة

تصدقين أنوار
أول مرة أتلكم معها هالكثر تعبت منها
ههههههه

شكرا لك يالقممممممممممميلة..

[أنوار البتول]

اهليين وسهلييين غنااتي أرجوان
حيااج الله نورتينا وشرفتيناا بمشاركاتج الحليووه
ياااعلي ماني قادره اسكت من الضحك على كلام ساره
حليووه تجنن بصراحه ومضحكه الله يخليها لكم إن شاء الله وتفرحوون بها
وشسمه بالنسبة للانسولين والحب والشورى كان كتبين وش ردت فعلها لما قلتين لها هالاشياء باعتبار ان هالاشياء مايعرفوونهم اليهال بس نبغى نعرف ردت فعلهم كيف بتكوون عشان نضحك عليهم :p
شكرا لج خيتي عالمشاركه القمييله واللطيفه والظريفه
سلمي لي على ساروونه وبوسيها عني
حيااج الله نورتيناا مره ثانيه

[أنوار البتول]

والآن الآختيار يقع على الأخت العزيزة ( البحرانيه)

يلا خيتي ام حسن شدي الهمه بعد ماعندج عذر
اتوقع عندج بهالعمر موو :rolleyes:

بإنتظار إجابات طفل الأخت (البحرانيه)

[البحرانية]

اقتباس : المشاركة الأصلية كتبت بواسطة أنوار البتول [ مشاهدة المشاركة ]

والآن الآختيار يقع على الأخت العزيزة ( البحرانيه) يلا خيتي ام حسن شدي الهمه بعد ماعندج عذر اتوقع عندج بهالعمر موو :rolleyes: بإنتظار إجابات طفل الأخت (البحرانيه)

والله خوش موضوع تسلم ايدك وافكارك اختي انوااار البتول

ويعطيك العاافية اختي

موضوع حلو وشيق واولادي ثلاثة دون العاشرة وان شااء الله بختار الصغير اول ما يرجع من الروضة

لي رجعة

تحياااتي

[البحرانية]

اللهم صل وسلم على محمد وآآآآآل محمد وعجل فرج وليهم الشريف واهلك اعدائهم


وهذه المقابلة من دون زيادة ولا نقص
اول شيئ ناديت علية بعد ان نسخت الاسئلة على الشاشة

1/ وش تسوي إذا صرت فاضي ؟


سالتة اول سؤال,,
حدورة ويش تسوي اذا ماعندك شي ولا عليك واجب
قال العب علىالكمبيوتر لو اروح ويا ابوي في السيارة لو اكل وهو ميت ضحك ههههههههههه

2/ لو فزت بـ 1000ريال وش تسوي فيها ؟

لما تحصل على فلوس وايد ويش بتسوي فيها
جاوبني وكلة ثقة خخخ
بس انا ما حصلت على فلوس وايد ,, ولا مره بس في العيد
امس ابوي عطاني خمس ربيات رحت واشتريت جبس وحلاوه والباقي اخذهم حطهم في البوك مالتة


3/ وين ودك تسافر؟

وين تبغي تسافر في العطلة
ابغي اسافر في الطائرة..
وين يعني تبغي تسافرفي الطائرة

ابغي اسافر في الطائرة امريكا ....
هووووووووواليش حبيبي تبغي تسافرامريكا..!!

رد انجان ارمي عليهم قنبلة واهرب :eek:

وين بتروح الين هربت يصيدوك بعدين ويقتلوك قاااال ,,
بركب بسرعة في الطائرة الي جيت فيها
وارجع البيت

تفاجئت بكلامة هو دائما يبغى يسافر ايران وكلما يفتح الموضوع اقولة في العطلة بنسافر ايران ا:rolleyes:

4/ لو صرت مدير مدرسة وش بتسوي ؟
حبيبي حدورة لو خلوك مدير بدل المديرة في الروضة ويش بتسوي

اخذ يضحك
هههههههههههههههههه وسكت يفكر شوي الا يقول
باخذ يعقوب وعبد الوهاب وبطردهم

ذولين تؤام معاه في الروضة شيااطين
حشى ارهابي وهو بعدة ما خرج من البيضة خخخخ
5/ تحبني يا........ ؟ طيب ليش؟

تحب ماما ؟؟
اي احبك
وقام يبوس جنة ما شافني دهر خخخخخخخ
زين ماما اليش تحبني
بس احبك انتين وبابا وحسن وهباوي بس
حسين مااحبة كلة يضربني

6/ وش تبغى تصير اذا كبرت ...؟

ويش بتسوي الين صرت قد ابوك
بصير اصلح سيارااات وكمبيوتراااات
خخخخخخ من كثر ما يخرب الكمبيوتر يبغى يصلحة بعدين ههههه


7/ تحب المدرسـه ..؟ انزين ليش ...؟

تحب تروح المدرسة لو الروضة
اي احب اروح الروضة حق املوه العب معها وزنوب ويوسف


8/ شنو تعرف عن :



الأنسولين :
حدورة ,, يعني ويش الانسولين ؟؟
ههههههههههههه
ماتعرفية ماما هذاك
الي يلعب مصارعة الحرة في لبيستشن مالت حسانوه


الإنترنت :
تعرف الانترنيت ؟؟
هههههههه هيكو في الكمبيوتر ماما وساعات يقفلوه عنا


مجلس الشورى :
حدورة وشهو مجلس الشورى تعرفة
اخذ يهز راسة بالنفي :confused:


الإتيكيت :

وشهو الاتيكيت ؟؟اخذ يضحك ويقول
هدكو الكبت مالنا فية فيابنا


الصديق :
منهو صديقك ؟؟

صديقي يوسف وعبد الوهاب


الحب :
تحبني ماما ؟؟
احبش ماما واحب ابوي وماما فاطمة ومعلمة القران




البحر :
وين البحر حدورة؟؟
ماما وديني البحر من زمان مارحنا العب بالالعاب وفوق البيت الهزاز ,,,

بل ما يسوى علي اساله فيها خسااارة ومصاااريف خخخخخخ




يالله خلصنا سوالف روووح بسرعة لا يهرب عنك بابا

اخذ نعلة وما شفتة واني وابوه ميتين ضحك عليه وعلى سوالفة ههههه

وهذي صورتة

[أنوار البتول]

اهلا وسهلا فيج خيتي الغاليه أم حسن
ولوو الله يسلمج ويعافيج وهذا من ذووقج الحليوو
ههههه اجاباته حليووه ومضحكه واهووبعد شكله حليوو وبريء
ومبين عليه هادئ مافيه شطانه وبلاسه انا احب اليهال اللي بهالعمر
يااااعلي ضحكني على الانسولين والاتكيت :p
الله يخليه لكم ويخليكم له إن شاء الله
وسلمي لي على حيدووور وااايد
مشكووره خيتي الغاليه عالمشاركه الرائعه
حيااج الله نورتيناا وشرفتينا بتواجدج الطيب والقمييل

[أنوار البتول]

الآن الآختيار يقع على الأخت (لحن القمر)
يلا غناتي لحنوو انتي بعد شدي الهمه بالاستجوواب مع ياهل من يهالكم الحليويين
وجيبي الاجابات من غير تحريف ولاتزوير ولا ترى ما اعطيج العلامه الكامله زين

بإنتظار الأخت العزيزة (سيده لحوونه)

[لحن القمر]

هلا يختووو انوار ولايهمك بس أستنى سيد هاشم ينزل واسوي معه ولايهمك ..
تسلمي على الاختيار ..