[عدنان منعم]

هلالك ياشهرعاشور- هل بفاجعه وبهم
هليت لوعه وحزن – هليت لوعه وحزن
هلالك كوني ماشفته – مشاني علا جــــروحي
جرح حسين لوعباس – لجلهم فرفحـت روحي
شيفيد الدمع ياناس – ماردولـــــــــــــجل نوحي
ياعاشور لاترجع – بيك انهدمت اصـــــروحي
يل بيك جارالزمــــــــــن \ هليــــــــــــت لوعه وحزن
ياشهرالكدر والضيم – ايامك نــــــــحروادموم
سليت الغدر لحسين – وعلينه جالغيوم اتـــحوم
وعملتك ياشهروالله – العرش اله يون للــــــــيوم
صفيت اترافك العدوان – يل بيك الغدر مرسوم
صفيت وي المـــــــحن – هليـــــــــــت لوعه وحزن
شوصف بيك يالضليت – تتـــفرج علا العـــــــتره
شتجاوب لون سئلوك – شتحــجي بحضرة الزهره
راسه واصبعه المكطوع – ورضه صدره وظهره
لوزينب سبيه اتروح – والكافل عالغبــــــــــــــــره
اهات يـــــترادفن \هليـــــــــــــــــــت لوعه وحزن



علا اعتابك ابو السجاد – مسلوب وصبح عاري
ماتبرد عليه للموت – تسعربلــــــــــــكلب ناري
ولون رديت ياظالم – تظل تنشــد علـــــيه داري
ماعندي عذر ينفع – ابد ماتنـــــــــــفع اعذاري
الحســــــــــــــرات صارن مزن \هلــيت لوعه وحزن
شهرلملم ظلام الكون – صبه بكربله اعله حسين
ذبحت الكعبه والقران – لاوالله نحـــــــرت الدين
حقد مدفون ياعاشــــــــــور- ضميته دهروسنين
عذرك شنهو ياخايب – شــــتجاوب ابو الحسنين
بحسين ظل ممـــــتحن \هلــــــــــــيت لوعه وحزن
ايامك رمز للموت – وســـــــــاعاتك غدت من نار
درت ويا العده اعله حسين – وماعنده غدت انصار
ولوصار الحساب اهناك – شــــــــــــتقدم بعد اعذار
وتدري المصطفى خصمك – والتــــالي علي الكرار
طفـــــــــــيت نورالوطن \هليـــــــــــــــت لوعه حزن
خادم الحسين \ عدنان منعم

[الشاعر حسن خليفه]

اللهم صلي على محمد وال محمد

الاخ الغالي عدنان منعم المحترم

قصيده جميله بجمال روحك اخي الكريم

جعلها الله في ميزان حسناتك

وثبتنا الله وياك على ولايه امير المؤمنين عليه السلام

شكرا لك ولاتحرمنا جديدك

تقبل المرور والاحترام

الشاعر

حسن خليفه

تحياتي