[زكي الياسري]

چايكم علينا ... و عليكم الكعَـك


الناس تشرب چايهــا بطول النهار
خوش راي و بي ابــــد ما ينقــدح

واكو ناس اتشربه مــا بعد الطعام
و من تشربه النفس عدهُم تنشِرح

و اكو ناس اتشربه مُر ما بي حلاة
واكو اتحبه ثكَيل ويــــداوي الجَرح

واكو هواي الي يحبـّــونه خفييييف
و اكو مخابيل ويحطولـــــــــــه مِلح

حلو الچاي بكل وكـــــــــت هذا اكيد
لكن احلى الچاي في وكـــت الصبـح


تحياتي للأحبة

[كريم السعبري]

اخي زكي الياسري

موضوع لطيف ولاكن احسن وطيب شاي
شاي ابو علي الحسين عليه السلام

تحياتي السعبري

[زكي الياسري]

ههههههه
اني كَلت
احلى الچاي في وكـــت الصبـح مو أقدس

چاي ابو علي مو چاي و انما كوثر من يد العباس ع

[قوافي الأيثار]

لطيف وجميل جدا في بريطانيا يشربونه العصر تحديدا الساعة الخامسة اما انا فاحب الشاي جدا جدا جدا

[البدري14]

جدا رائع هذا الموضوع
موفق سيد زكي
-----
انه احب جاي تخدير بفحم
احس هيل البيه يشفلي جرح
لو على دجلة قبل وكت الغروب
السمج مسكوف والباقي شيصح

[سيد عقيل العوادي]

اخي زكي الياسري انته موبدع
وموظوع جيد عاشد يداك

[زكي الياسري]

الأعزاء
عمار جبار خضير
و البدري 14
و السيد العوادي


كم اتمنى ان اشرب معكم شاي المودة في واقع الحال
لكن ما باليد حيلة


تحية لمروركم و تعطيركم اجواء الصفحة

[ابوتكتم الخير]

و اكو ناس اتشربه مُر ما بي حلاة
واكو اتحبه ثكَيل ويــــداوي الجَرح
الياسري زكي المبدع
كل ماتكتب جميل تحية لك على هذه الأبيات
والجاي بكل وكت طيب واطيب بعد إذا لمه حبابيب
تحياتي

[سفينة البحار]

سلمت اياديك الكريمة
موضوع لطيف بلطافة روحك
دمت مبدعا
تحيــــــــــــــــــــــــــــاتي

[زكي الياسري]

حيا الله تاج راسي سفينة البحار
و ادامك لي ذخراً و للشعر

تحية حب و اعتزاز