|
|
شيعي محمدي
|
|
رقم العضوية : 32665
|
|
الإنتساب : Mar 2009
|
|
المشاركات : 3,227
|
|
بمعدل : 0.57 يوميا
|
|
|
|
|
|
المنتدى :
المنتدى الثقافي
تره الدنيه جسر - لاحسان القريشي
بتاريخ : 18-06-2009 الساعة : 03:10 PM
هذه القصيدة اعجبتني
فقلتها لكم
------
حبيت الصليب وقديسته هواي
لأن شال المسيح ألماخلص صبره
وقدست الرمح چا شال راس حسين
وما خله الحوافر تسحگ بنحره
وسيف إلي طبر هامت علي الكرار
خالي امن الذنب صدگوني بالطبره
ومو ذنب السياط الطگت الحوراء
الذنب چف اليشيل السوط ويأمره
ولا ذنبه يطيح أعله النهرعباس
الذنب گطعو اچفوفه وطاحن بكتره
والبسمار خالي امن الذنب والباب
ويبرنيا خلگ من عصرة الزهره
ومو يوسف زليخه العتدت يا ناس
وقميصه اكبر دليل مشگگ بظهره
مو سحار موسى ولكن امن الااه
ذل فرعون ذاك وزمرته وسحره
وقيصيرأجنبي وما شگگ المرسول
ومرسول النبي شگه النذل كسره
النجاشي امن المسيح وينصرالأسلام
وابو سفيان مسلم يرفض ينصره
ومنو مثل الوليد الي كفر بالدين
كتاب الله شگه ويسبح بخمره
يأسفني التشيله چفوفي من الگاع
يفرح جدمي لمن يزلگ بحفره
وعجبني الورد ميشيل گلبه الغيض
وعلى چف اليگطعه يفيض في عطره
ومنومثل الدلال تضيف الخطار
لجل تكرم الضيف تعانق الجمره
ومو كلمن يسولف بالمضايف شيخ
للحچي المعدل خاصه الشمره
ومو ياهو الي يركب عالمهر خيال
أكو يركب لچن يوگع بلا عثره
ولا تطغه انصحك والعن الشيطان
تره الدنيه جسر كل واحد يعبره
الشاعر
احسان القريشي
ونسأاكم الدعاء
| |
|
|
|
|
|
العرض العادي
