[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

سلسلة ابوذيات مهدويه
ـــــــــــــــــــــــــــــــــــــــــ
ضــُوَه الموعود هذا اليوم شعبان == والناس إبهوى المحبوب شعبان
شعب ينكر ولادة خير شعبــــان == شعب يستقبل أنواره البهيـــّه
ـــــ
شعب طيب الولاده اليوم ســَرّه == عذب يومه ولامعروف ســـِرّه
نسيم الخير عالأحباب ســـــــَرّه == نسيم المنتظر إبن الزچيـــّه
ــــ
نسيم المنتظر للروح مرهـــــم == إذا ما أذكر المحجوب مَرْهـَم
يشيعي إبمولده للأحباب مـُرْهُــم == هنــّيهم على النعمه السخيــّه
ــــ
هنــّيهم على نعمة وجــــــــــوده == بزغ نوره أبو صالح وجوده
يريت إنشوف أيــّامه وجـــــــوده == يفيض الخير وإيغطــّي البريــّه
ـــ
يفيض الخير والنسمـــــــــات وِرْدَه == أبو صالح حلو إو موسوم وَرْدَه
يظل الناصبي خســـــــران وَرْدَه == إذا ينكر إبن حامي الحميــّه
ـــــ
إذا ينكر مُعادي فيض بسمـــــــاك == أبد ما يرتفع وإيصير بسماك
وضع ربـّي عظيمه أسرار بسماك == تقيــــم الحق يبن خير البريــّه
ــــ
تقيم الحق يصير الخيريــَمّــــــك == أبد ما ينعبر وإيفيض يــَمّك
يبن خير الرسل مولاي يـَمّك == نهنـــّيها إو نغيض الناصبيــّه
ــــ
نهنـــّيها إو نغيض التاه يـــــــَدّه == بعد ما توصل الخيرات يــَدّه
يصبح بيد كـُل شيطان يــــَدّه == يحركــّها إبحقد أهل الرديــّه
ـــــ
يحركــّها إبحقد أتعس بــَشــَرْها == إمــة جور معروفه بــِشــَرها
بالمهدي النبي الهادي بـــَشـــــــّرها == نست هذا إو مشت درب الرزيــّه
ــــ
نست صوت العدل والخير مهدي == أمــّة زيف واني إبيوم مهدي
عرفت المنتظر مولاي مهــــــــدي == يجينه إو يكشف الهم والأذيـــّه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
مع تحيات شاعر اهل البيت / جابر النجفي
اسمعوا الأبوذيات على هذا الرابط
http://www.wlidk.net/dldstl51535.mp3.html