شعر بمناسبة مولد الأمام علي عليه السلام باللهجة العراقية)
بتاريخ : 16-06-2011 الساعة : 09:35 PM
علي بيبان جنه وعلي المفتاح ... علي عروة الوثقى ولبت الدين
علي قبل الخليقة وقبل الأرواح ...قبس من نور وجه الله مو طين
علي لوما علي كل وثن ما طاح ...ولا راية محمد وصلت الصين
دين الله أرض بيه علي الفلاح ...زرع صوم وصلاة وحسن وحسين
علي الواضح ولايحتاجله إيضاح...علي زوج البتول ووالد السبطين
علي ما بارزه واحد ولا طاح ...ابتداء" من بدر وصولا" بصفين
علي السكت ابن ود من حجه وصاح...وضربته تعادل عبادة الثقلين
علي بحر النجاة وبالأرض ساح ...فلا طلكت ولا لولت بيه نساوين
علي نهج البلاغة وبالمر بــاح ... علي ريع اليتامى والمساكين
اريدن فد خطأ بهالرجل وارتاح ...وأقول الخالفوه حقهم محقين
علي احنه بكلبنه معلك وشاح ...وقلب البيه علي ميخاف ويلين
قلبي الك يا علي منزل وموطن وحي
لولاك رب العرش ما جان انزل وحي
والعبد لوصام كل عمره وصله وحج
بس حبك وكل عمل من غير حبك صفر
فضلك ربك مثل فضل الذهب عل صفر
رغم الوجوه الغدت من كثر غيها صفر
وياك يأبه الحسن وياك بيت وحي
اريدن فد خطأ بهالرجل وارتاح ...وأقول الخالفوه حقهم محقين
علي احنه بكلبنه معلك وشاح ...وقلب البيه علي ميخاف ويلين
صح اللسان والله
القلب البيه علي ميخاف ويلين
ورد عراقي
الله يجزاك الخير ويقضي حوائجك
كلمات تشرح النفس
بوركتَ
شعر بمناسبة مولد الأمام علي عليه السلام باللهجة العراقية)
العرض العادي
