[ابو ظاهر البركي !]

((تشييع الضمير))
يمته تطلع سيدي
ارد اموت ابين اديك
حتى اعيش
شلون اعيشن واني ميت
انت تنتظره الشريعه
كامت تشوفك حلمها
تريد ماي
غرفه رادت من هواك
مشكت كل اللسن
الدنيا كام تلوج بينه
بلايه سن
ارد اخبرك
انت تدري شلون اخبرك
باكو من النخله فيها
والشمس لبست سواد
ومات ضيها
والكمر بلعته حوت
والضماير كامت بسرعه تموت
اطينه من نورك نفس
يكفي الخليقه
الفرحه عاكر
هم شفت عاكر تجيب
اطينه للفرحه طريقه
نبتسم لاجن نحيب
هاي مو كلها علامه؟؟؟
وجم علامه
يمته تظهر لينه وتفرح اليتامه
الصرخه صارت .
صرخة عيون الثكاله
وي تشييع الضمير
والشمس عكس النجوم
عللفقير
الليل نار
والبرد غطه النهار
يمته تصرخ ياعلي وتطلع علينه
والخسف بالبيده صار0
من زمان
لما سحكت خيل اميه
فوك صدر الدين
بارض الغاضريه
واعور الدجال اجانه
لسه عايش بينه يمشي عكس
ياخذ بثوب الفقير
وللغني يكثر لبس
اصبح المجرم طليق
والشهيد الينحبس
اطلعلنه سيدي الباجر نريد
حتى ننسه اول امس
والظلم وي الظلام
قررو ذبح السلام
ذبحو النفس الزكيه
لحد مامات الامان
والسلام....؛ مات السلام
بس ظلام
الف السلام عللسلام

خادم الحسين ع
ابو ظاهر البركي
10/6/2013