[ابو معاد النجفي]

حزن زينب..دمع ينصب
لبو فاضل..لبو فاضل


دمع جاري..تشب ناري..وانه بداري..سمعت الصوت
يخويه حسين.. على الجفين..هملت العين..واشوف الموت
يشد ارحال..يعذب الحال..يصير اوصال..على الطاغوت

تون تنحب..تصيح الرب
لبو فاضل..لبو فاضل

كيفلي وين..تصيح حسين..على الخدين..جره دمعي
حسبت احساب..طلع جذاب..يريح الهاب..انطفه شمعي
شفت جفين..كطعه البين..تنادي حسين..انكسر ظلعي
تظل تلهب..ناري تشب
لبو فاضل..لبو فاضل

يدينه الصار..عالاحرار..تشب النار..تشب ناري
تون الروح ..على المذبوح..جثيره جروح..القدر جاري
رفعت الايد..صحت يالحيد..رضاك انريد..رضى الباري

يخو زينب..الجمر يلهب
لبو فاضل..لبو فاضل

تظل تحتار..ضنى الكرار....لبو الاحرار..تدير العين
بهم واحساس..تدير الراس..على العباس..تكل لحسين
رحل مارد..عليه ابعد..يخويه اشتد..تعب السنين

جنت ارغب..بحلو المشرب
لبو فاضل..لبو فاضل


عجيد الكوم..عليك تحوم..جنود الروم..جنود اشرار
تظل ادور..سناها ادهور..على المكسور..ضلعه امرار
تصيح الويل..نوينه انشيل..رغم هالليل..تركنه الدار

القهر مرحب..الي مطلب
لبو فاضل ..لبو فاضل

حزن اسود..نزل علخد..يظل يشتد..حزن عاشور
تمر سنين..نصيح حسين..على الجفين..نظل انفور
الكلب ملهوف..يمته يطوف..نريد انشوف..الكلب ماجور

على المذهب..عزه زينب
لبو فاضل..لبو فاضل

خادم اهل البيت
ابو علي السعيدي

[ابوتكتم الخير]

عظم ألله لك الأجر
بمصاب الأمام الحسين
أحسنت جعلها ألله في ميزان حسناتك
اختيار موفق

خادمكم
ابوتكتم الخير

[الشاعر حسن خليفه]

اللهم صلي على محمد وال محمد

والحمدالله على نعمه الايمان وبر كه الولايه

قصيده رائعه ولائيه الحروف ايمانيه المعنى

بارك الله بك وجعلك من اتباع محمد وال محمد

صلوات الله عليهم اجمعين

وتقبل مروري المتواضع

خادمكم الشاعر

حسن خليفه

تحياتي