[*أحمد الكعبي*]

أبـــأول أبــتدائي أنــــسجل أويــاك

أسمـــك ياوطـــــن بالــــدم كتــبناه
عَلمَك يظل بيرغ فــوگ الأصروح

مـثل عباس مـــن يرفــــرف أللواه

جـــــرحك والـــمآسي والــــمعاناة

محفوضه ودرس منـــك قـــــريناه

صبر ياكـــل صبر جبناهه ويـــاك

ومل بينه الصبر بــس مــاجزعناه

نطلب بس علم مـــانطلب أجروح

وعلى السبوره ينزف دمـنه عفناه

من يــوم السقيفه لــــيوم الطفوف

فــطنه أعله الوطن شامخ لـــگيناه

وطن أسمه العراق بشارب أحسين

أنطينه أرگاب دم ومـــا خــذلــــناه

مگبرة النجف صفنت على الــصار

وطش سر موت أهلنه أويه الدفناه

دفـــنه أطفـــال وأقــــلام ومساسيح

ودفــنه المسطره والجنطـــه ويـــاه

أتوضينه بدمانه الـــينزف أســـنين

وصلينه أبـــلحد كلــــمن عرفــــناه

أمي أتربي وتــــزفلك عــــــراريس

لــيش أترجعه دامي أمحنه بـــدماه

رســاله أمــــنمي ألك جايبهه وياي

وأبشرك كل علم بـــسمك رفــــعناه

ســــلاماً ياوطن كــــــل هذا ونگول

يـــــستاهل عراق الــبيه حســــيناه

الضحايا الــبيك طاحت كلهه قربان

أونـگول أمقصرين ومـــا نـــصفناه

أنفجارك حامي كلش چـــــان وياي

وعله روحـي طـــبعت الأه بـــــشاه

نارك ياوطــــن طفـــــاهه عــــباس

مــــــن شاف السبايه أتصِيح ويلاه

مــــن شاف الأطــفال أبنارك أتلوذ

نـــــــهر العلگمي أعله الكون بداه.

أحمد الكعبي

[منذر الساعدي]

من يــوم السقيفه لــــيوم الطفوف
فــطنه أعله الوطن شامخ لـــگيناه
وطن أسمه العراق بشارب أحسين
أنطينه أرگاب دم ومـــا خــذلــــناه

احسنت يا رائع عاشت الايادي
تحياتي

[طيار عراقي]

شجاها الناس وياك يعراق
تفصلك آه وصدر
كل ذنبك الشيعه تسكن بيك ..؟
شنهي الشيعه مصلي وتكبر ..!!
لو غاضتهم گبور أهل البيت
چي بسقيفتهم أذكر ..
سلاماً مني الك يعراق
ومثل حسين هدينا الك منحر ..

بقلمي المتواضع
الجابري؛
يوم الجمعه
2013/3/21
الساعه 2:59 ص

[امير الكلام]

نـــــــهر العلگمي أعله الكون بداه

الله الله الله يامبدع
احسنت جزاك الله خير الجزاء
لا حرمنا الله من نزيف قلمك ايها الولائي
تقبل مروري اخي احمد

[*أحمد الكعبي*]

شكراً لكَ أخ منذر رعاك الحسين (ع)

[*أحمد الكعبي*]

أحسنت أخي الغالي طيار عراقي أنرت متصفحي بمرورك الشفيف

[*أحمد الكعبي*]

أمير الكلام
رعاك العباس (ع) أينما كنت أيها الغالي مرورك زاد متصفحي أشراقه