بسم الله الرحمن الرحيم
اللهم صل على محمد وآل محمد وعجل فرجهم
إبوذيات في مولد الجواد عليه السلام
ــــــــــــــــــــــــــــــــــــــــــــــ
جواد إنتَ إو عظيم الشان تـِســْعـَه == للخيــــــــر إو مُحـِبـّك دوم تـِسـْعـَه
إمام إو بالتسلسل رقم تـِسـْعـَه == معصوم إو بعيد إمن الرديـّه
ـــــــ
جواد إو بالكرم ممدود كـَفــــــّه == واجه كـُل جهل مذموم كـفـّه
نور إبن الرضا بالكون كـَفـــّه == نشر علمه إبن سيد البريــّه
ــــــ
على حـُبهم فؤادك دوم قـُفـْــلـــــَه == وإگصد للجواد إو زين قـــِفــْلـَه
خلــّيه الگلب يــَمـّه وَقــُفـــْلــــــَه == يحضرك بالحشر يوم الجزيـــّه
ـــــ
يطش بالكاظميـّه إعطور وَرْدَه == للگاصــــد يظل مفتوح وِرْدَه
يشيعي زور أبو الهــــــــــدّات وَرْدَه == أبو الهادي الجواد إبن الزچيـــّه
ــــ
تهيم الروح يامولاي بــِسـْمـــــــاك == يفيض النور والخيرات بــَسـْماك
جواد إنتَ إو يريت إوياك بــِسـْماك == نظـــــــــل نهواك رغم الناصبيــّه
ـــــ
حفل بالكاظميـّه اليوم عــِدْنـــــــَه == إحضر سيدي الموعود عــِدْنـَه
إجينه إو للزياره إبشوگ عــِدْنــَه == محمّــد إنولد هنـــّوا الزچيـــّه
ــــ
أفرح كــُل سنه إو هذا مــَعادي == ولادة تاســــع العتره إو مـًَعادي
يحضره سيدي إيغيض المـُعادي == جــواد إو بالكرم إيده سخيـــّه
ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا الابوذيات على هذا الرابط
http://www.wlidk.net/dlduun89688.mp3.html
إبوذيات في مولد الجواد عليه السلام
العرض العادي
