[مصحح المسار]

أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
أهل بيت النبي أحمد نبينــة *** وعلي الكرار رايتنة وولينة
اليودهم للحشرمذخورأجـرة
نسل أحمد ولد فاطمة ازهرة
علي حازالإمامة بخم غديره*** بمحــــــجتة البيضة وبطهرالسريره
بشجاعة الميزتة وحكمة ضميره** وجبــريل البـــعث ربه ســـــفيره
حفظ للدين واتفـــداه عمـره
صمد للموت والميدان بمره
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
الحسن جمّع اناس وصان الاسلام ** فضح زيف الطلــيق بقوة الـهام
لفظ چبدة بسمومة بغـــــدر ظـُلام ** خلد زاكي بطباعه وتخسة حـُكام
ياسبط النبي المكشوف گبـرة
نزورك علبعد بالـگلب سفرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
الشهيد الطف اجينة ال كعبه نطوف** صرخ مني ارسول وتربة موصوف
لايوم وكيـــــومه بـــكل الظـــروف** دفع اخوة وبنبــــينة واخته اتـــشوف
قربان اشهادة زينب الحـرة
تدعي الله ربي اتقبل العترة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
علي اسجاد بين وبخطــــابة *** الكتل لحسين كافر موصحابة
حبس نسوان هاشم وبخرابة *** نزف دم الرسالة وبحـــــرابة
حقوق الدين بالأفــــعال جسرة
بظهر محني عطاء الناس سرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
ياصادق سندت الدين باصلاحة ** نبع مبذول انتة الشمس وضاحة
تلاميذك اهواية روضة صداحة** ولكل العلوم اصبحت مصـباحة
جعفر بالمذاهب عـــــــالي ذكرة
أصل حجة وحجيج اووافي قدرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
ياكاظم سجونك صارت اگباب *** هذولة اهل الـــحوائج دگوالباب
اندرس هارون گبرة وصرتواسباب** اسباب ووسيلة لربي احــــباب
الحرف ملهوف بيك يضوع حبرة
وبحبكم توصـــــة الكــون خــبرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة

ياطوس الوصية بالرضا الغالي *** غريب الدار والمنهج يظل عالي
اتمنة أزورو بحـــــــزن موالي *** واختم بالــــــدعاء وتـُقبل اعمالي
أبوالجوّاد بيه احـــتارصـــبرة
علة المامون مداچتاف نصرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
الجواد يدين بالحجة علصــغرة*** الشـــرع والدين تتـــروة علبــــحرة
الجواب يفيض عندة ميت فكرة*** بصفاء الروح اخذعشرة علة عشرة
باريج النور الرحــــــمن أدرة
بصلاتك زيّد المحصول كثرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
علي الهادي النقي الموصولة أيامة*** بــعبادة وشكر اتميزت اختامة
دنيانة متســـوة لتـــــربة اجـــدامة*** وبهيبة علينة اتســـمت احلامة
الهدم للـگــبة مايدري نعذرة
السكن بروح موبنيان حجرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
أبو المهدي أمام العســـــــكريين *** دمع ذكرة مراهم طـــيب العيـــن
بجنان الـگـاع جنة وتالي جنتين *** نعاين بالوفة الفيـــــاض حســنين
بني هاشم يجود النسب شجرة
ظلال الطيب ومقدس يثــمرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة
يلمهدي ولينة القائد المــــــوعود **** عجل بالفرج تانينـــة يامـگصود
لعدلك ناظرين وقسطك المنشود **** الجيتك حامدين وجيشك المحمود
من حوض الشفاعة اتمنة گطرة
تحرم دخلتي اجـــــــهنم الحمرة
أهل بيت النبي دمعة وعـَبرة *** سفر مفتوح للتاريخ عـِبــرة
فضل ممدود بلدلال جمــرة
شفاعة آخرة ودنيانة گمـرة

للشاعر:- محمد الخفاجي

[ابوتكتم الخير]

الحسن جمّع اناس وصان الاسلام ** فضح زيف الطلــيق بقوة الـهام
لفظ چبدة بسمومة بغـــــدر ظـُلام ** خلد زاكي بطباعه وتخسة حـُكام
ياسبط النبي المكشوف گبـرة
نزورك علبعد بالـگلب سفرة
مصحح المسار
أيها الرائع
لوحة من الابداع رسمها الخفاجي
ونقلتها لكي تريها النور في الأنا
جزاك الله خيرا وكذلك جزا الله كاتبها
تحياتي

[المتنصت]

بارك الله فيك
حلوة

[مصحح المسار]

شكرا ًللاطلاع بحلو الانطباع