[روح الكلم]

من الياقوت يا صاحب لها شاف
وبعد روحي بمودتهم لها شاف
لون اللامني مرة لها شاف
ترك شغلة وبكة يبجي علية

[ابو ياسر الكعبي]

اقتباس : المشاركة الأصلية كتبت بواسطة روح الكلم [ مشاهدة المشاركة ]

من الياقوت يا صاحب لها شاف وبعد روحي بمودتهم لها شاف لون اللامني مرة لها شاف ترك شغلة وبكة يبجي علية

من الياقوت ياصاحب لَـحَـنها
ويرقّق كل گلب جاسي لَـحِنها
حنين النوگ مایلحگ لَـحَـنها
حنینه والملامح بابلیه

[روح الكلم]

صرت بلا وعي بجفاك ماشي (سائر)
وعلى عكلي تكول الناس ماشي (مختل العقل)
شتآمرني اكلك صار ماشي (قابل )
بس لتعوفني وتبعد علية

[ابو ياسر الكعبي]

قصر لبنیلك بگلبي وقلعه
وأکض شریان البگلبي وقلعه
الرفاعي اتروح إلك فدوه وقلعه
وإلك ترخص يغالي الناصريه

[روح الكلم]

عليّ الناس انشدهه وسلهَ (اسألها)
يروحي القهر كاتلها وسله (مرض السل)
جروحي اشلون انساها وسله (من النسيان)
وعليّ اتزيد كليوم الاذية

[ابو ياسر الكعبي]

اقتباس : المشاركة الأصلية كتبت بواسطة روح الكلم [ مشاهدة المشاركة ]

عليّ الناس انشدهه وسلهَ (اسألها) يروحي القهر كاتلها وسله (مرض السل) جروحي اشلون انساها وسله (من النسيان) وعليّ اتزيد كليوم الاذية

دمعتي إعليك أصبّنها واسلها
بجفاك الروح اعذبها وسلها
عليك اجروحي اناشدها وسلها
مِـتَه عيونالحنان تـمـر عليّه

[روح الكلم]

حبيبي جرحي ما بس يوم ساكن
مشكلكم والالم بالروح ساكن
تمكن من بعد ما جان ساكن
مثل موج البحر وانهد علية

[ابو ياسر الكعبي]

جبل حزني علی صبـري تًـراها
وروحي بـخیـمة افراگگ تراها
أمانه إمأمِّـنه عندك تراها
أسافر ومْـنَـرِد رجّـعـها إلـيّـه ؟

[روح الكلم]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

جبل حزني علی صبـري تًـراها وروحي بـخیـمة افراگگ تراها أمانه إمأمِّـنه عندك تراها أسافر ومْـنَـرِد رجّـعـها إلـيّـه ؟

دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه

[ابو ياسر الكعبي]

زرعت ابصحرة اسنيني وردلاك
وتردلي امن الشعر عطره وردلاك
أصد ياصاحبي عنك وردلاك
وأجيك إمـحـمَّـل بشوگ البُوذِيَّه