أنا حبيت أعرض عليكم هالقصة للعبرة والعظة وتراها حقيقية .
في ثلاث خوات,الصغيرة والوسطى والكبيرة. كل ما تقدم لهم واحد رفضوه ويحسون ساعات بشي غريب مثل الكآبة والعصبية بالذات إذا تقدم لهم خاطب.مع العلم أنهم يفكرون في الزواج مثلهم مثل أي بنت بس إذا جا الخاطب يحسون أنهم رافضين من دون وجود أسباب مقنعة. الأم خافت.... وقالت أن بناتي أكيد مسحورين لدرجة أن الكبيرة عمرها فوق الثلاثين ولا تقتنع باللي يتقدم لها!!!!!!!!!!!
معقولة من بين كل اللي تقدموا لها ولا واحد فيهم مناسب ولو بنسبة 50% ؟؟؟؟؟؟؟
المهم سمعت الأم عن وحدة تفتش في البحرين وهالوحدة أي أحد يروح لها وتعطيه العلاج ينخطب في نفس الشهر أو في نفس السنة. وطبعاً هذا الكلام بشهادة كثير من اللي تعالجوا عندها والله أعلم. راحت الأم وكلّمت وحدة عميلة عندها بالحسا وشكت لها الحال عن بناتها.تم الإتصال بالفتاشة اللي في البحرين وسألت عن البنات وعن أسم الأم وخذت شوية معلومات. بعد كم يوم تبين أن البنات فعلاً مسحورات.وقالت أن في وحدة حاقدة رشت السحر على فتحة الباب والبنات كلهم داسوا عليه.وما راح تنفك عقدتهم إلا بالعلاج اللي بتسويه وطبعاً هذا العلاج يحتاج مبلغ وقدره.وهالعايلة حالتهم المادية ما تسمح لهم بتوفير المبلغ المطلوب.عملوا جهدهم وتسلفوا لحد ما وفروا المبلغ.
المهم أن الأخت الصغيرة والوسطية رفضوا هالفكرة وقالوا أن الزواج بيد الله وهذا الكلام مايدخل العقل.ورفضوا يتعالجون بالطريقة اللي قررتها الفتاشة أو حتى يستخدمون شي من اللي عطتهم إيّاه. (طلاسم وشراب وحدايد ومشط غريب وخرابيط ما ادري من وين جايبتها.) وقالت لهم بس تستخدمون هالدوا بيجيكم النصيب وطبعاً جلست تضرب لهم أمثلة عن حالات شفيت على إيدينها.
البنت الكبيرة اقتنعت تماماً بكلامها وخذت العلاج بطريقة عجيبة غريبة على حسب الخطوات اللي قررتها الفتاشة.الأم حزنت كثير وقالت ودي أن كل البنات أفرح فيهم وياخذون العلاج ويتزوجون.لكن الكبيرة بس هي اللي خذت هالعلاج الغريب العجيب اللي ما فيه ولا حرف من القرآن الكريم.مرّت السنوات وهي تنتظر زوج حتى لو انه حافي منتف عشان يجي ولو بالغلط ويخطبها.
في النهاية الصغيرة والكبيرة فوضوا أمرهم لله.وما شالله عليهم كل وحدة ذا اللحين في بيت زوجها.وازيدكم من الشعر بيت. تراهم تزوجوا في نفس الليلة خذوا أخوان من عايلة راقية ومحترمة وعايشين عيشة ألف بنت تتمناها.عيني عليهم باردة.
أما الأخت الكبيرة جالسة ذا اللحين مع أمها وإلى الآن تنتظر النصيب اللي وعدتها به الفتاشة.
سبحان الله له قدره الاهيه لا يقدر عليها احد
وحسافه السحر ما صار لصالح البنت
بل صار العكس لعدم اعتمادها على الله وتوكلها عليه
موضوع جدا رائع اخي الكريم
اتمنى لك المزيد من الأبداع
في منتدى القصص والروايات
مثل ما انت عليه في الشعر والخواطر
تقبل مروري وتحياتي
وحسافه السحر ما صار لصالح البنت
بل صار العكس لعدم اعتمادها على الله وتوكلها عليه
موضوع جدا رائع اخي الكريم
اتمنى لك المزيد من الأبداع
في منتدى القصص والروايات
مثل ما انت عليه في الشعر والخواطر
تقبل مروري وتحياتي
اللهم صلي على محمد وال محمد
تسلمين اختي
واشكرك على تشجيعي في الشعر
بس تبقين انتي مميزة اكثر مني بلابداع
اسمع ياخوي البنت هي ماتنلام لأن تصرفها هذا مثل الغريق الي يتعلق بقشة مسكينة ضغوط المجتمع من كلام الناس وغيرة تكفي كلمة عانس تنقال للبنت تراها مثل السكين الي تذبح الشخص بس ببطء عموما جزاك الله خيرا على القصة ولعل وعسى يستفيدوا منها الناس
اسمع ياخوي البنت هي ماتنلام لأن تصرفها هذا مثل الغريق الي يتعلق بقشة مسكينة ضغوط المجتمع من كلام الناس وغيرة تكفي كلمة عانس تنقال للبنت تراها مثل السكين الي تذبح الشخص بس ببطء عموما جزاك الله خيرا على القصة ولعل وعسى يستفيدوا منها الناس
نوح احسنت اخي
بس يا اخي اذا عملت البنت هذه الاعمال
معناها اعتمدت على غير الله وهو شرك يا اخي
الاخوات الثلاث والزواج قصه واقعيه..
العرض العادي
