[ابو معاد النجفي]

هذا مسلم ظل وحيد..التمت انذالك يزيد
طوعه من رادة تجيره..لااخوته ولا العشيره
بالشرك طاح وحديد

من طلع من وطن جده..تعنه كاصد للعراق
وجهه حسين برساله..وكال اخوي وللوفاق
هذا من بعدي سفيري..يلملم اجروح الشقاق
من وصل للكوفه صله..واجتمع وي الرفاق

وساعه لن صوت وهديره..يصيح ويلا لليجيره
وياعقابه النه شديد

دارت عليه الصوارم..اسد ميهاب المنيه
حمل ياحملات حيدر ..على العده الحيدريه
وكف يم بابج يطوعه..وطلبته جانت اميه
غدرك اهل الكوفه كله..غدرت اندارت عليه

ناس لاذمه ولا غيره..ابن مرجانه الشهيره
هذا مني وشيريد

دارت الكاع برحاها..وفرق الجيمان كله
والجيوش عليه هجمت..وحده بن حيدر يشله
صاح تبا لااميه..بحقد خل تموت ويغله
ارتضيت انه المنيه.. وللنفس لا مااذله

تالي حفروله حفيره..صاح محد من نصيره
بالشرك طاح وحديد

طوعه تعاين لمسلم..تجشعه بصوت وتصيح
اتكله حيدر هذا عمك..بنفس محرابه تطيح
هاي كوفان اللعينه..ابدا من عده استريح
وهذا موعود بكتابه..ربك اشكاتب صحيح

عاينت ظلت بحيره..منهو من عدهم يجيره
هذا مسلم ظل وحيد

من صعد قصر الاماره..امر بقتله إلحقير
شلون ابن مرجانه رايد..بمسلم وكونه يصير
اجتاف من قصر اللعين.. بعينه لحسين و يدير
يكله يحسين السلام..هذا معروف المصير
يعرفه هوه مصيره..وربك الراعي البصيره
باجر عليه شهيد


خادم اهل البيت
ابو علي السعيدي