[تل زينبي]

((اميل للعزله))

أميل للعزله وأبعد عن النــاس مابي عيون الناس تنظر لحالي
قلبي من الأحزان تايه ومنحــاس وعيني تهل الدمع ياعزتالــي
ما عدت أواطن عقب فرقاه جــلاس من حزني يالي ماعطاني مجالي
جو السعاده لي تبدل بالأتعــاس من يوم عني أبعدتك الليالـي
أصيح بسمك كل ماهب نسنـــــاس لجت بريحك لي هبوب الشمالـي
و أذرف دموع الوجد وأقول لابأس ومن القهر تصفق يميني شمالي
عزت علي فرقاك ياعدم الاجنــاس ماني عقب فرقاك تايه وسالـي
حبك بقلبي ماله أحدود وأقيـاس حبك حياتي وشوفتك راس مالـي