إنته الســــفيرأورايتـــك --- ترســــم فكـــرمـــولاك
طرزها من دم منحرك --- يامسلم أوبمآثــرك
ترســم فكـــــــــــــرمــــولاك
إنتـــه يامســـلم سفـــيرإتمـــــثل أفكــــــــارالقيـــــاده
ترجمه لمحـــورنضــــال إحســـــين وإتبين أبعـــــاده
إتوضـــح الفكـــر المعــــادي تعـلن إبدقه إنتقــــــاده
وإتوضح أفكارالعده --- أوأرائها المتباعده
تنشرالفكره الرائده --- إبعزم وإبقوة إراده
إتبين مبادئ فكرتك --- تفضح نوايا إعداك
تدحض حججها الواهيه ××إبفتوى اليقين الوافيه
ترســم فكـــــــــــــرمــــولاك
أوبعد نعــــرف كل سفــيرإيصير للقـــايد إمرايــــه
يعـــكس الواقــــع الحالـــه نقل حـي لاموروايــــه
ينقل الوضع اليلمسه إمن العــدوأويــرصد الغايـه
أوحين الشفتها إمحزمه --- بالموت تتنه الموزمه
عجــل يمهجــة فاطـمـه --- دونك أرخصنه المنايه
تصرخ يبن فارس بدر --- خفك النصــر بلــواك
جان إلها وي زودك وعد×من وقعتها إعله العهد
تــرسـم فـكــر مــــــــولاك
المدت إلعــهدك إجفـوف أوقدمـت لحسين بيعــه
بيعــه تشفعهــا العواطـف والله يامسـلم خديعــه
موعهد روح أوعقيده إبدمها تشــريه ماتبيعـه
جلمة لسان أوواهنه --- إبغدر الطباع إملونه
الكوفه لوليها إتعنونه --- مولأجل دين أوشريعه
لأجل المطامع والرتب --- تنكث عهدها إوياك
لوطاوعت سوءالنفس×صيرإلها يامسلم درس
ترســم فكـــــــــــــرمــــولاك
وين كل ذيج الحشود اللي أمس جانت تسندك
كبل لحظه إتثورغيره أومرجله لايذه إبســدك
تممــت فرضـك يمسـلم لنـك إبغربتــك وحدك
أولامن يدليك الدرب --- وحده أوضمه أوديرة غرب
يامسلم الموقف صعب × سيف إلك ينشهرضدك
ثورإبعزم حامي الحمه --- كطب الحرب يمناك
علمها صولات الحسم --- راية مجد بيدك تــزم
ترســم فكـــــــــــــرمــــولاك
صول يامسلم إعليها أوللــذي خذلتــك حاســــب
هاي طوعه إوياك صرخه إتحشمك يابطل غالب
صرخه تنبض بالعقيده تكطـع إلســان الرغــايب
صمصامها جرغد وفه --- ثورة عقـيده إنوصــفه
إبوجه الظلم رف عاصفه --- عالطغاة أوريح حاصب
جرغدشرف طوعه إنتفض --- وإبشدتك خاوا ك
شع صرخه بلسان الفخر--- خلدته بجبين الدهر
ترســم فكـــــــــــــرمــــولاك
مثل وحدة أمس مسلم ظل عراق المجد وحده
لاأخوالمد جفه ناصــرإله أوبالــشــده يســنده
والكفرحشد إجيوشه الحاقده أومعروف كصده
لأجل التسلط والطمع --- بجيوش جراره فزع
إبسورالوطن مسلم رفع --- سيف للعايل يحصده
سورالوطن ماينثــلم --- زود الشـــرف فـتـا ك
تتفجرإنشودة غضب --- عزمك براكين التهب
ترســم فكـــــــــــــرمــــولاك
والله يامسلم هضيمـــه إتأمــن المامــلك ذمــه
تدري مايمـــــلك أمانــه لابروح أولابجلـــــمه
لاجن إعليه ردت حجه وإبحجي إلسانه تلزمه
نحرك كطع سيف الغــدر
دمـــك خـلــــد شهكة فجر
شاخص مناره إبكل عصر
ضاع ذاك الكطع راسك أوكبتك يلمع ذهبها
3/محرم الحرام/1324هـ النجف الأشرف
الى سفير الحسين(ع)
العرض الشجري