[احمد العراقي]

صور من الطف

بالشعر لمّن نسولف بالحسين
انشوف صورة اتخالط الدم ابدمع

ومن نصوّر حزن زينب عالچفيل
اتطيح نجمات السماء وتنفجع

ومن نسولف عن گلب ضم الطفوف
تبچي من ضيمه القصيدة وتمتنع

يا گلب عاشور چم سهم احتويت
وچم رمح غدّار رادك تنشلع

يا نفس مخنوگ من هم العيال
وي رضيع حسين طايح منصرع

يا حنين امشبّع ابلوعة وانين
ابصوت طفلة من الالم ما ينسمع

يا امل ضاوي انسرگ بيد الظلام
ابليل مات ونوره بطل ما يشع

يا حلم بعيون ما تعرف تنام
ابنار فرگه الراح ذايب چن شمع

يا فجيعة ويا دمه امفيض التراب
ويا مواقف مرها ابد ما ينجرع

يا صور طف البطولة الما يموت
ويا ملامح زود ما يعرف ردع

هاج لعنان السمه ابعز محتواه
وثار بركان الحمى من اطهر نبع

ثار صوت حسين واهتز الظلال
وصار بنيان الشرك بانزل وضع

هذا هو الطف تميز عن سواه
يم عتبته اسمى المفاخر تنجمع

باب للرايد حياة ابلا خضوع
وسچة ما تحوي عدا الحر والورع

باب للرايد يحف اسمه الخلود
وسچة بيها السار يعلى ويرتفع

باب يوم الليل ما مارگ عليه
وسچة بانوار المجد تسطع سطع

احنه مو بالعاطفة انشوف الحسين
انشوف شوف انسان عاقل مقتنع

انشوفه بعيون الحقيقة الما تزيغ
حسين حق الله الظهر بيه الشرع

يلتگول حسين بيه عندك شكوك
اتجرد وشاهد تنظره ابيا وضع

رايح اتشوفه جبل راهي ابشموخ
وصرخته ابلبة ضميرك تنسمع

احمد العتابي
العراقي

[زكي الياسري]

عين من عيون قصائد المنتدى
لا حرمنا الله تعالى من ابداعك
يا ابو شهاب
تحياتي مع خالص دعواتي بالتوفيق
والنجاح

[ايمان حسيني]

قصيدة جميله جدا ابدعتم بها اخي احمد
وفقكم الله بإنتظار جديدكم المميز دائما

[ملكة الاحزان]

قصيدة رووعة يسلمو ع الابداع المتميز
الله لا يحرمنا منك

[ابو معاد النجفي]

بسم الله الرحمن الرحيم
السلام عليكم ورحمة الله وبركاته
اللهم صل على محمد وآل محمد وعجل فرجهم الشريف
الاخ الفاضل والشاعر الرائع
احمد العتابي العراقي المحترم
كلمات تنبع من داخل وجدان مولاي وشاعر لااهل بيت النبوه
عذرا للرد المتاخر وعذرا لعدم تواصلي في قراءة درر من كتاباتك الرائعه
تحياتي لكم اخي الكريم والعزي
اخوكم
ابو علي السعيدي

[عاشقة النجف]

بسم الله الرحمن الرحيم

نسیج المعانی فی ابیاتک اخی احمد یزدهی بولاء حسینی
هنیئا لکم به وان شاء الله تغشیکم هذه البرکات اکثر واکثر
قصیده کلماتها ابداع یتلوه دقه ورقی
بارک الله بکم وموفقین ان شاء الله
دمتم شاعرنا الکریم ..

[بحب الله نحيا]

جعلت أرواحا تسمو لسماء كربلاء وليوم الطف الأليم ؛
بارك الرحمن في نفسَاتك وجعل حروفك تسبح لك ليوم القيامة ؛
دمت بعــز ~

[نسايم]

اللهم صل على محمد وآل محمد وعجل فرجهم وفرجنا بهم

قال الأمام الصادق (ع) (من كتب بيتا فينا بنى الله له بيتا في الجنة)

وأثابك المولى على ما بثته سطرته حروفك هنا


رائع جدا ً يا أحمد في ميزان أعمالك

سلمت يمناك الولائية


موفق لكل خير

دمت بولاء الأطهار ...

[احمد العراقي]

السلام عليكم
مولاي العزيز زكي الياسري
مروركم شرف لنا وتواجدكم بركة بين ثنايا القصيدة
دام بهاء مروركم علينا وحفظكم الله تعالى من كل مكروه
شكرا جزيلا لكم
وعليكم السلام

[احمد العراقي]

السلام عليكم
اختي الكريمة ايمان حسيني
ممتن جدا واشكركم جزيل الشكر لمروركم الدائم والمبارك
لاحرمنا الله تعالى وجودكم بين بسيط ما ننشر
وحفظكم ووفقكم لكل خير
وعليكم السلام