[احمد العراقي]

عراقيين

حفنه اسنين مرت ما بره المجروح
ولامره ابحلم متضمد اصوابه

ولا مره الفرح خيّم على المهضوم
مجفي وما يريد ايوچّر ابّابه

يفر بينه العمر واحنه اعله نفس الحال
وعيب الـ بالبشر محد حچه وعابه

عجيب اعله الضماير ليش ساد الخوف
وعليها اشلون كلفه ايسلط احرابه

گبل عالسيف نحچي ان راد لحظة يريض
هسه انگول خله ايواسد اگرابه

الليالي اتغيرت و انعگر ساگ الزود
وغده ذيل الرذيلة الوادم اتهابه

الوكت مگلوب جره انريد يعدل يوم
او يهوّد ما يمرنه ابچهرة اغرابه

نحسب خير نلگه وبلچي نعثر بيه
خلصنه وما عرفنا الفالح احسابه

مشينه اعله الجمر ما خفنه متحفين
تعرفه اگلوبنه من اسنين عطّابه

صبرنه وما جزعنه وگلنه ضيم اليوم
ما ممكن يدوم .. وتنتهي اسبابه

ومشه مركب صبرنه ودار بيه الموج
ابّحر محد يگدره وعالي خنيابه

ركبنه وگلنه نعبر رغم خشم الموج
حلم نوصل جرفنه ونلثم اترابه

وصلنه ومن گعدنه انشوف وجه الزيف
اجه امگبع علينه وتحرسه اچلابه

ضحك واحنه التعب ما خله حيل انگول
لحگنه الـ هالمچان اشلون واشجابه

سكتنه ولن جرفنه من البشر مهجور
وعلى اطرافه اليتيمة امچچله اذيابه

تحيرنه وشدهنه ابعسره هذا الحال
يا حل النرهمه ابهاي الطلابه

تحاورنه وطلعنه ابمخلص احچايات
تعلل هالوضع واتوضح اسبابه

عراقيين احنه وفرض حصن الضيم
نتشلبه اعله سوره ونقتلع بابه

اتفقنه من الجرف لازم يشيل الزيف
وكل صِل اليسمنه انكسّر انيابه

لان گصة الجرف مخطوط بيها اعراق
ويا عظم العراق ابهمّة احبابه
________________________________

احمد العتابي
العراقي

[البدري14]

اللهم صل على محمد وآل محمد
احمد العراقي
احسنت يا رائع كل حرف بهذه القصيدةكان يعانق
جروح العراقيين بدون الم واضعا بلسمه لها
هناك اكو بعض المفردات صعبه على البعض مثل
جهرة بالجيم الفارسية وتعني
(الوجه) (الفره) (الخلقه) (الشكل)
هذه المصطلحات كلها لها
واروع بيتين اعجبني
عراقيين احنه وفرض حصن الضيم
نتشلبه اعله سوره ونقتلع بابه

اتفقنه من الجرف لازم يشيل الزيف
وكل صِل اليسمنه انكسّر انيابه
موفق اخي العزيز

[ايمان حسيني]

اللهم صلي على محمد واله
عاشت ايدك اخويه وتسلم قصيده روعة
يارب يزيل هالغمه عنه ويصير العراق احسن من قبل بجاه محمد واله
بس طلب اخويه العزيز بس الخط حاول تكبره على القصائد الجايه ان شاءالله
اكون ممنونه

[أم حسن]

بسم الله الرحمن الرحيم
وصلى الله على خير خلقه حبيب القلوب محمد واله الطيبين الطاهرين وعجل فرجهم وفرجنا بهم يا كريم
واللعن الدائم على أعدائهم ومنكري فضائلهم ومناقبهم الى قيام يوم الدين
000000
اخي الكريم والشاعر الموالي 00 احمد العراقي
بوركت وبوركت كلماتك الرائعه في وصفها لحال ابناء العراق الجريح
فصمود وصبر أخواننا العراقيون لهو مضرب ألأمثال من سنين طويله
وألأن وبعد كل هذا الجور والظلم وسفك الدماء لا زالت وستبقى العراق وابنائها صامدة ومتحديه كل من يريد ان يمد يد العبث
والتخريب بها
سلمت يا عراق وسلم أهلك وابناِئك الطيبون الموالون لأهل البيت عليهم السلام
وستبقي يا عراق مهوى أفئدة عشاق الحسين وزيارتك هي حلمي وحلم كل الموالون الخلصون
000
رعاك الله يا اخي وحفظك من كل سوء
لك اجمل التحايا وكل الامنيات لك بالتوفيق والسعاده
دمت بحفظ الرحمن

[احمد العراقي]

السلام عليكم
اخي الفاضل البدري 14
احسن الله تعالى اليكم وحفظكم من كل سوء وشر
ممتن جدا لتواجدكم بين طيات حروفي
شاكرُ لحروفكم اطلالتها هنا
وسائلا الله تعالى ان يديم بريقها في صفحاتي دوما
بارككم الله تعالى ودمتم برعايته
وعليكم السلام

[احمد العراقي]

السلام عليكم
اختي الكريمة ايمان
سلمكم الله تعالى وعاشت ايامكم بكل خير يا رب
شكرا جزيلا لكم لجميل مروركم وعطر تواجدكم هنا
ان شاء الله اختي المرة القادمة يكون الخط اكبر
ممتن لحضوركم ودمتم بكل خير وبركة ان شاء الله
وعليكم السلام

[احمد العراقي]

السلام عليكم
اختي الفاضلة ام حسن
لكم جزيل الشكر وفائق التقدير والامتنان لعذوبة كلماتكم عن العراق واهله
بارك الله تعالى بكم وحفظكم ووفقكم لكل خير
شكرا لكم لدعواتكم الطيبة
وان شاء الله يبقى العراق علما خفاقا بعزيمة اهله ودعوات المحبين امثالكم
لاعدمناك ودمتم برعاية الله تعالى
وعليكم السلام

[مرتضى العاملي]

عودتنا ايها القلب الكبير والشاعر الترف احمد العراقي على قراءة ابداعك حد البكاء...
أوجعنا عزفك على وتر الغربة تحية لك مني وللطيبين العراقيين...
لاتكطع بينه اخي احمد من ابداعك

تحيااتي

[شذورالذهب]

مشكور أخي العزيز أحمد ...كلمات جميلة جداً .
و كل عام وأنتم بخير
بولادة سيدة نساء العالمين فاطمة الزهراء عليها السلام ..

[احمد العراقي]

السلام عليكم
اخي العزيز مرتضى العاملي
حروفكم جمال هنا كجمال تساقط الندى على جباه الورود
شكرا جزيلا لكم من اعماق القلب مع فائق الامتنان لمروركم العذب
لا حرمان الله تعالى طيب تواصلكم
ودمتم برعاية عين المولى عز وجل
وعليكم السلام