[ابو ياسر الكعبي]

اكو ناس

مَـيّــتهـُم عَـدِل
واكو ناس
حَيهُم مندفن
اكو ناس
بـيـمينك تحط ايـمينها
وبيسارها خنجر طَـعِن ؟
اكو ناس
حلوه اوجوهم
وگلوبهم حيّه ابتبن
واكوناس
بيضه گلوبهم
تنزف دمع لمن تِحِن؟

اكو ناس

مسكنها الگلب
واكو ناس
تكره ما تحب
واكو ناس
بلسم للجرح
واكو ناس
تستاهل ذبح
واكوناس
لوغابت تغيب ارواحنا
واكو ناس
لوحضرت تحط بجروحنه
كومة ملح
واكو ناس
تفديك العمر
واكو ناس
معدنها الغدر
واكوناس
تلطم على حسين وتحمل افكارالشمر؟

ابو ياسر الكعبي

[رياض الرسل]

السلام عليكم

واكو ناس تموت عليك
مثلي ياغالي
اقبل اياديكم الكريمه
دمت بكل خير

رياض الرسل

[ابو ياسر الكعبي]

اقتباس : المشاركة الأصلية كتبت بواسطة رياض الرسل [ مشاهدة المشاركة ]

السلام عليكم واكو ناس تموت عليك مثلي ياغالي اقبل اياديكم الكريمه دمت بكل خير رياض الرسل

وعلیکم السلام
ايها الطيب الحبيب
انا من يُقبّل اياديك
دعواتي لروحكَ النقيّه

[ام هاني]

اكو ناس اغلى من الذهب والالماس
اكو ناس ذكرهم مسك وريحان
اكو ناس البعد عنهم غنيمه
اكو ناس شوفتهم حزن وافراقهم عيد

احسنت وننتظر جديدك

[ابو ياسر الكعبي]

اقتباس : المشاركة الأصلية كتبت بواسطة ام هاني [ مشاهدة المشاركة ]

اكو ناس اغلى من الذهب والالماس اكو ناس ذكرهم مسك وريحان اكو ناس البعد عنهم غنيمه اكو ناس شوفتهم حزن وافراقهم عيد احسنت وننتظر جديدك

الاخت الكريمه
ام هاني
أحسنتِ القول اكو ناس اغله من الذهب والالماس
ولكن ما اقلّهم في زماننا هذا؟
ربما هم بيننا؟
كل التقدير والامتنان لمرورك الذي عطّر متصفحي

[الكتلوني]

اكو ناس تشكر اخونا
واكو ناس تقول شعرولا اروع

[ابو ياسر الكعبي]

اقتباس : المشاركة الأصلية كتبت بواسطة الكتلوني [ مشاهدة المشاركة ]

اكو ناس تشكر اخونا واكو ناس تقول شعرولا اروع

الكتلوني
سيدي الكريم
لك كل الشكر والامتنان
لاعدمني ربي اياك
تحياتي

[ابو ياسر الكعبي]

مشرفتنا الموقّره
نرجس
حيّاكِ ربي وابقاكِ
بُتلاتٌ من الود لودّكِ

اللهم أنصر شيعة البحرين على الظالمين

[ثورة الحسين]

تسلم الانامل تقبل مروري وودي
تحياتي
اخوك
(عبدالله الشاعر)

[ابو ياسر الكعبي]

ثورة الحسين
وفقك ربي ورعاك
شكرا لمرورك ايها الطيب