[الوهابي عدوي]

وطن وبتربتك شايل جمال الكون
الشمس لو غربت تلاعب جرف شطك
ياحــــرز الاخـــوه ولمة الاحبـــاب
ويا طعم التمر من ينبت بأرضك
يالوحه بريئــه وبيد طفــل زغيــر
رسم ورده جميله تقصد برسمك
يلكاعـك تظــل مفتوحه للطيبيــن
ويلطيبين عامر عالي ظل قصرك
عراق وحاير انه شلون اوصفك زين
أخاف حروف شعري تعجز توصفك
وأخاف القلم يعجز يحصر التاريــخ
وتاريخك بحر ويهد سفن خصمــك
ومن جاني الوحي وكتله القصيده عراق
وكف يمي الوحي وحتار شيوصفك
ومن هذا اليحاول يدفنـك يعـــراق
ميعرفـك ترى وما محتمي بظهرك
والله لو يعرفـك ما يظل يحجي عليك
ولا سب العطاء الفاض من نهــرك
تفيض انته على الجيران خيـــرات
وأطفالك تظل بس ترضع بصبرك
هذا انته وابد ما كدروا يغيروك
شيغيرون منك طيبتك اصلــك
خسر كلمن يحاول يهدمك يعراق
ندفن جوه التراب الحاول يدفنك

بقلم علي العبودي الناصري

[ابوتكتم الخير]

قصيدة في قمة الروعة والأناقة
طبت وطاب كلمك

[الوهابي عدوي]

لا اطفى الله زيت نور كلمات اخي العزيز شكرا على تواجدك الكريم

[عبدالله خلف العتابي]

السلام عليكم
علي العبودي
كلمات رائعه بل في قمة الروعه
صغت من خيوط السمش قصيده
ووصفت فيها الوطن الغالي لك
مني خالص الاحترام يامبدع
تلميذك الصغير
عبدالله العتابي