[احمد العراقي]

الامام الحسن عليه السلام

باذن الكون صوت الحق يرن بيك
المكارم شمس للعالم يرن بيك
سمه النعمة فضايلها يرن بيك
علينه امن العلي ابجاهك عطيه

نبع المكارم

رادوا ابسَم الغدر شمسك تزول
وانت للامة اصل نبراسها

گالوا اسدل فوگها استاره الافول
وقصتك چف النسه اصبح ماسها

ما دروا شخصك يبن بنت الرسول
وذاتك المحد عرف مقياسها

انت ذات البيها خص سرّه الاله
والمكارم بيك وِرد انفاسها

الشهادة الكم فخر الله اجتباه
ومن دماكم صار لحن اعراسها

والديانة ابلا ضحاياكم تموت
وظلت الناس اعله عش وسواسها

انت نورك اعله من افق الظلام
عميه عنّه وما تشوفه ارجاسها

سدت دروب البصر عن الصحيح
وعاشت ابظل الكسر بانعاسها

شفنه بيك الكون ثابت والطغاة
ابصرحك تريده يهدّم فاسها

رادتك تفنى وذكر ما يبقى ليك
بس نهايتها اشربتها ابكاسها

انت سنّة او الله قررها تدوم
وهي خسرت وارتدت ذل ياسها (1)

النفوس الواعية الترجه الحياة
لغير شخصك ما يود نوماسها

والعقول الداركة لمجرى السنين
يالحسن يمك تدنگ راسها

انت مشعل للهدى وتروي العصور
من يمر طيفك تحايت ناسها

خلاف دورك احنه ما النه وجود
والدجل چا للتحبك داسها

يا مجد بلور سَلب ذاك الزمان
لشيعتك مولاي ثبّت ساسها

انت صوت الحق وجد بيك الخلود
وصرخته الباطل عجز باخراسها

من نسولف بيك ما تكفي الحروف
ويا قصايد حاطتك باحساسها

الخيال لكل سمه ابچفه يجيس
وبس سماك ابعمره ابد ما جاسها

.............................

(1) ياسها : يأسها


احمد العتابي
العراقي

[ايمان حسيني]

من نسولف بيك ما تكفي الحروف
ويا قصايد حاطتك باحساسها

الله عليك يامبدع سلمت وسلمت هذه القريحة الولائية الرائعه
تقبل الله منك واحسن عزاءك
اخي الفاضل كان لي شرف المرور فتقبل مروري المتواضع

[نسايم]

اللهم صل على محمد وال محمد وعجل فرجهم وفرجنا بهم

السلام عليك يا كريم أهل البيت

جزاك المولى خير الجزاء بحق من كتبته لاجله ابامحمد الحسن

سوف يظل قلمك ذو امتياز

ومحب إلى اهل البيت عليهم السلام
وثوابك عندهم ان شاء الله
ننتظر الجديد منك

دمت بولاء الأطهار...

[ربيبة الزهـراء]

السلام على الحسن المسموم

السلام على سيد شباب الجنة


باركً الله شاعرنا احمد العراقي
ووفقكم الله

موفقين

[لمار]

تسلم يا شاعرنا
قصيده جميله جداً
تنبض بحب الامام المظلوم

[احمد العراقي]

اختي الكريمة ايمان حسيني
الشرف حفنّا بتواجدكم وطيب مروركم المبارك
اسال الله تعالى ان يقبل اعمالنا جميعا بخير قبوله ورضاه
وان يحفظكم ويوفقكم لكل خير
وان لا يحرمنا بوكة دعائكم وتواصلكم
تحياتي لكم اختي