[البدري14]

من جميل المساجلة
مع احمد العراقي
اقتباس:
المشاركة الأصلية كتبت بواسطة احمد العراقي

صبحكم الله بالخير

عمي ابو تركي راح اشتري مولده خاصة ومنظومة نت لخاطرك ههههههههههههههه
اذا هي الكهرباء يمنه رابطينها على الترفك لايت كل شيه ترمش
وانت هم تعذرنه رديت على الاخت ايمان وطفت بعد شسوي

ما ناوي افر منك تره
وتاخيري اعرفك تعذره
ما تدري بالصار وجره

لا كهرباء عدنه عدل .. والنت تغير حاله

---
معذور وادري المشكلة
والحجي لغيرك ما حله
الوضع محــد يحمله
الكهرباء والنت سوى ..همك تون جباله
المشتكى لله بعد
ابتلى بيهم هالبلد
يجذبون ما وفوا عهد
قلنا اجاويد الربع .. كلها طلعت نشاله
فشلوا حتى الشرف
ولحالهم محد عرف
يوصونه نعيش بشغف
من مريدي دكتور الاخو ..وصيداته لام عياله
خلها على الباري تخلص
شبعونه اشكال القصص
ثلثينهم حسنى ملص
يشربون صافي من النبع .. وللشعب بس حثاله
كافي لا ادوسن بعد
وتصير جويه على الجسد
خايف عليها من الحسد
ركبوا كدش ومزخرفه .. قلنا اجت خياله
معذور من ضيم القلب
لعراقنه لازم نحب
مثل الاكل وي الشرب
ملينه من كثر الصبر .. وهمنه الجبل ما شاله
ونسألكم الدعاء

[وجدي الجاف]

هههههههههههههههههههههههههههههههه
عمي البدري ..
مساجلة رائعة ولطيفة جداً
بس هم عله كيفك ويّه ابو شهاب
تره استوه مشتري مولدة
ههههههههههههههههههههههههههه
الله ايساعد العراقيين

[البدري14]

اقتباس : المشاركة الأصلية كتبت بواسطة وجدي الجاف [ مشاهدة المشاركة ]

هههههههههههههههههههههههههههههههه عمي البدري .. مساجلة رائعة ولطيفة جداً بس هم عله كيفك ويّه ابو شهاب تره استوه مشتري مولدة ههههههههههههههههههههههههههه الله ايساعد العراقيين

اللهم صل على محمد وآل محمد
وجدي الجاف
تدري احمد ما بيده شئ على الوضع بس انا
اريد الطف الجو اذا رابط الكهرباء على الترفك لايت
والنت شحن زين منه يتواصل وينا الله يفرج الهم
---
لكينه من العذاب الوان واشكال
ولفتنه اهل السياسه اصناف واشكال
الما خايف بذمته ذنب واشكال
التها بجيبه وترك اصل القضية
----
موفقين

[عاشقة النجف]

هههههههه
الله يكون بالعون يارب
هذا حال العراق والمرار اللي شايفيه اهلنه هناك ..
كلمات لطيفه ..
وجو مرح ,,

[ربيبة الزهـراء]

هههههـ
الله اكون بعونكم
لوا الكهرباء ما يقطعونها
الله افرج عليكم

سلمت مولااي

[احمد العراقي]

على هالسالفه اني وين اجاريك عمي ابو تركي
كلمات وقصيدة رائعة توضح واقع حال العراق المؤلم
ما دريت المقطع الصغير هذا راح يستنهض قريحتك بهذي الرائعة

الحال ما مره صحه
وهيهات جلمة اتوضحه
ملتنه ثق حتى الرحه
ما رادت اوي اهل النهب .. بينه تفر اجماله

عفت ولا جنها تعف
من شافت الواقع كلف
شدة رمشنه الما يرف
الا اعله نغمات الحزن .. بلجن تهيد احواله

واحدنه يمشي ابلا كلب
ما يدري جدمه ابيا درب
بالنار لو ساعة يطب
ما يدري من كد الاذى .. وضيم السنين الشاله

تحياتي لك عمي ابو تركي

[حيدرالناصري12]

العم العزيز البدري
والأخ العزيز أحمد العراقي
والله أحنه يرادنه واحد ايلطف الجو عاشت اديكم
وأهديلكم هذا البيت

همه لويدرون بالصار آوجره

حتى المهاف بآدينه أمكسره

الكهرباء صارت علينه أمعذره

تركض أونركض وراهه _ ﭼـني آبسباق آوبين خياله

تحياتي لكم الله ايعين

[البدري14]

اللهم صل على محمد وآل محمد
عاشقة النجف
ربيبة الزهراء
احمد العراقي
حيدر الناصري
اسعدني مروركم واعتذر عن الرد بهذه الطريقة
نظرا لتوقف المنتدي يوم كامل وتراكم الاعمال
والردود السموحه
موفقين بحق محمد وآل محمد

[خادم الشيخ الكوراني]

هههههههه
سلمت يداكم نتمنى مزيدا من التوفيق لشعرائنا الاعزاء
خادمكم ابو زهراء

[البدري14]

اقتباس : المشاركة الأصلية كتبت بواسطة تلميذ الشيخ الكوراني [ مشاهدة المشاركة ]

هههههههه سلمت يداكم نتمنى مزيدا من التوفيق لشعرائنا الاعزاء خادمكم ابو زهراء

اللهم صل على محمد وآل محمد
تلميذ الشيخ الكوراني
كل عام وانت بخير ان شاء الله بمناسبة مولد
منقذ البشريه الامام المهدي عجل الله فرجه
الشريف
واذا انته تلتقي مولانا الشيخ الكوراني راية الحق
ولسان آل محمد الناطق بالحق
قبل مابين عينينه
موفق بحق محمد وآل محمد