[رحيم الحسناوي]

رسالة الى قائم ال محمد عجل الله فرجه شريف
مشّيت الونين وفيض دمعي عليك
يا سيد البشر وملاحج العَبره
واَنه ادري البواجي على الطهر وياك
تنهش بالدليل وتاخذ بعمره
ويا عمر اليلذ يبن الحسن بجفاك
طوفان الصبر مل وخلص صبره
وصلت للجوامع والسفيه يلوم
حجتكم بعد ماضن يصح عذره
شمّات الخوارج يضحك وفرحان
وانصار الاطايب تسكن الغبره
واحنه شما صبرنه على الضلم مولاي
هم يخلص صبرنه وينفجع صدره
جان ابن الغدر يلدغ دفن بسكوت
بس هسه الكفر ضل يجهر بغدره
يجرم بالموالي ومن يمثل بيه
باطراف الشوارع سيدي يشمره
وتتفرج عليه الماتعرف الدين
لا مؤمن يغيثه وناصر ينصره
صارت كربلاء وجن وحيد حسين
وجنه يناشدك يالقائم تحضره
اضهر دك عزاهه ودث فحيح النار
خل كلمن نكركم يفتهم كدره
وانحر للفرات وانشد العباس
جم رمح الاجاه وجم الف طبره
اكَصد للعقيله وكَلهه وين حسين
يا سيف الولاه وكطّع بنحره
اسال عالرضيع الماسكوه الماي
واسال عالعليل الكسرو ضهره
وانشد يا ضلم سل حيدر الكرار
يا جف السطر خد فاطمة الزهره
واطفال وسبايا الجتّفوهه حبال
كلهم يا دمع من رحتو يا نبره
اضهر يا امامي وعدّل الميزان
مل هذه الكَلب عبراته والحسره
رحيم الحسيني الحسناوي

[امين العتابي]

وفقك الله على هذه الكلمات الرائعة وماجور عليها ان شاء الله


اخوكم الحاج
أمين العتابي

[ثورة الحسين]

تسلم على الموضوع الرائع والقيم
تحياتي لك
عبدالله الشاعر

[رياض الرسل]

السلام عليكم

رحيم الحسناوي

موفق على هذه الكلمات الرائعه
وجزاك الله عليها خير الجزاء

رياض الرسل

[فرقة احباب الزهراء]

وفقك الله على هذا الكلام الرائع جدا .. وثبت اقدامك على الخدمة الحسينية ..واهديك هذه المقاطع الشعرية

طال صبري الهي ودمعي جاري

--------------------------

انه مامعترض ياسيدي لا ه

ولامثلي بشر متحمل الاه

لجن منتضر امرك انه وارجاه

تعجل طلعتي واخذ ابثاري

انه جم صوت يوميه اسمعه

يعاتبني وهل لجله الدمعه

لجن موبيدي ياربي ارجعه

لان مثله انه طال انتضاري

اول صوت صوت امي الزجيه

يحشمني اسمعه أبكل مسيه

وين ابن الحسن الحك عليه

نيران الغدر لهبت ابداري

ثاني صوت من محراب حيدر

يشكيلي ويصورلي المنظر

ويناديني متى يالحجه تظهر

واردله موبدي وانطي اعتذري

ثالث صوت يندبني ابحسره

ويشوفني الجبد ناره مسعره

واصد عنه ابالم مكدر انضره

واكله يالسبط زيدت ناري

ورابع صوت من الطف سمعته

وينه الينصر الهادي وعترته

وصحت ياريت مولود ونصرته

ولااعيش ابهضم ليلي ونهاري

وعليه اترادفت موصوت اصوات

اهلي وكلمن الردد الهيهات

وين ابن الحسن ارفع الرايات

واكلهم ناطر وهذا شعاري

كلمات الشاعر ابو امين الفرطوسي

[علي البههادلي]

احسنتم اخي رحيم وجزيتم خيرا
كلمات موفقه جعات ذخرا لك واثابك الباري تعالى