[قوت القلوب]

يا عــــــــــــــــــــراق ,.......

يريدونك تضيع وانته نور بليل *** وتموت من العطش يالماي يردونك

ويضيعونك عجيب وانته مثل الريح *** وين بيا مكان إتضيع يلگـونك

مشوك بدرب ما مات جدمك بيه *** وحتى إتضيع كلش شدو إعيونك

وغشو عينك وإيدك مزنجلة ومجتوف *** تهد هدة أسد لو ناس ينخونك

يل المغفي الجمر منقلة وبيك إتنام *** وهمة رماد موگـد ما يجوونك

إذا ظيمك طلعته وظل وراك إيحوم *** ابد لتخاف منهم ما يظلمونك

عاشرنه التعب والاه والحرمان *** كلها لخاطرك ولخاطر إعيونك

صرنالك جسر للنجم عبرناك *** وصغنه من الحزن ضحكات لعيونك

تعـلگـنه قطع سودة وعليها أرواح *** ما جنة قطع، لا .. كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عرگـك بالأرض ميموت *** ترد تحيه وتعيش شما يگـطعونك

ذاك حسين حي وصير انته مثل حسين *** بالشدة الخريطة إتصير ميمونك

يااااا مدري شوصفك شرد اگـولن بيك *** عراق والعمر ما يسوة من دونك

ليلى انته صرت والمثل ما ينقاس *** وشعبك من محبتك صار مجنونك


أرجو أن تنال أعجابكم يا أغلى الناس
أهي قصيدة منقوله بس حبيت تقرؤنها
أختكم قوووت القلووووبsmilies/013.gif

[ابو طالب العاملي]

بسم الله الرحمن الرحيم
*********************
سلمت يداك يا أختي قوت القلوب
لم لا أجد في شعرك إلا الآهات
***************************
توكلي على الله ربي المحبوب
عسى الفرج يكون في آنات
************************
إن يسرا بعد عسر ينشأ
مهما طال الزمن والساعات
***********************والسلام