[ميثم الرماحي]

الى يتيمة علوية لم تعرف اسم والدها الى ساعة مماته انها فاطمة اوحميدة كما يسمونها وبنت الامام القاسم ع

لسان حالها
فوك تراب كبرك عايفه البسمة ............ مثل وردة بحديقة مفاركة النسمة
المفارك ابو يكدر باسمه يعيش ............ خاطر بي يسولف من يدك رسمة
وانه اول يتيمة بصفها ابوهه يموت....... بفراش المنية وما تعرف اسمة
بحظن يعكوب يوسف ادري رد ردود ...... ومن بعد الهجر جمعتهم القسمة..
بويةالهم ثكيل ومن يحمل وياي ......... مو اسمك القاسم يلله متقسمة
حيل بوجهي ركز هذا يوم وداع ......... خاطر من اعوفك تكدر ترسمة

وكفت انه علبابك يامير الماي ................ومن جربة حنانك رايده شوية
مثل يوم الطفوف عليه صار اليوم..............يتيمه وجاهله وجماله علوية
لان صوتك من اذني انكطع توه بسيف ....مثل طفله الخذو من عدهه ترجية
يبو فاضل زمانك سكنه راح تروح ...... وتخلص العمر هالمره مسبية
بس موسكنه ذيج المشت وي اطفال ...... وعليهه الوحشه جانت اهون شوية
وحيده بلايه عمه ولا كفيل تصيـــــح ......... منو يكفل يتامه بلايه جنسية

وراح اودعك وادري ماترجع الي ......... وراح ما الكه بعد عينك ولي
تراب من كبرك اريد اخذ وياي ........ صوغه منك ارد اوديهه لهلي
ومثل زينب راح اروح بلاية روح ....... واكتب عللكبر محروس بعلي

ميثم الرماحي

[ابوتكتم الخير]

وراح اودعك وادري ماترجع الي ......... وراح ما الكه بعد عينك ولي
تراب من كبرك اريد اخذ وياي ........ صوغه منك ارد اوديهه لهلي
ومثل زينب راح اروح بلاية روح ....... واكتب عللكبر محروس بعلي
الرماحي
دعني أكون أول من يمر
لوحة رسمتها بدمع العين ولونتها بالولاء
حفظت لك عند الزهراء
دمت بود

[الناقد]

الرماحي ... ميثم العزيز
هطل الابداع بهطولك ... فرسمت دمعة ً حائرة
عظم الله لك الأجر ان شاء الله
وسنسعد لو استمر هطول ابداعك
ودي

[عهدي مع الحسين]

شو هل ابداع الله يعطيك العافيه
كلام جدا اعجبني وننتضر ابداعاتك الجديده
تحياتي لك اخي الكريم

[ابو ظاهر البركي !]

الرماحي ميثم

رزقنا الله واياكم شفاعة القاسم عليه السلام وابنته

اخذتنا ايها الشاعر الى حيث الم الفراق العلوي
بين اب غريب وطفلة اكثر غربه



تقبل مروري ايها المبدع


البركي

[ميثم الرماحي]

اشكر مروركم الكريم وجعلنا وأياكم من خدام آل بيت الرحمة تقبلوا ودي واحترامي واعتزازي

[كريم السعبري]

ميثم الرماحي
اهلا بك اخ عزيز وشاعر اعتز به
قصيده رائعه جدا مزجتها با لالم
فسلام الله على القاسم وعلى بنت القاسم
وتحياتي لكم الابوكرار

كريم السعبري

[ابو كرار القاسمي]

عظم الله اجورنا واجوركم اخي ابو سجاد الرماحي على المشاركات المبدعه في خدمه اهل البيت (ع)